ملابرادر په دوبۍ کې د یو شمېر لوژیستیکي شرکتونو مشرانو سره لیدلي
د لومړي معاونیت په ټوېټر پاڼه لیکل شوي، چې برادر په دوبۍ کې د "څو ملیتي لوژیستکي کمپنۍ" له مشر محمد المعلم سره په لیدنه کې د سوداګرۍ په برخه کې د زیاتو اسانتیاو غوښتنه کړه.
د "څو ملیتي لوژیستیکي کمپنۍ" مسوولینو طالب پلاوي ته د هر ډول همکارۍ ډاډ ورکړی او دواړو خواو په دې هوکړه کړې چې د پاتې کارنو د پرمختګ لپاره یوه کمېټه جوړه شي.
د شوې هوکړې له مخې، هغه افغان سوداګر چې د دوبۍ له لارې نورو هېوادونو ته صادارات او واردات کوي د "څو ملیتي لوژیستیکي کمپنۍ" لخوا به ورته په لوژیستیکي برخو کې اسانتیاوې رامنځته کېږي.
دا په داسې حال کې ده، چې افغان سوداګرو په افغانستان کې د سیاسي بدلون وروسته نړیوال مارکېټ ته د لاسرسي په برخه کې له جدي ستونزو سره مخ دي.