هند افغانستان ته ۶ ټنه طبي مرسته استولې

هندي رسنیو د خپل هېواد د چارواکو په قول ویلي چې دا افغانستان ته د هند د طبي مرستو اووم پېټی دی.


په پرونۍ مرسته کې، چې په کابل کې اندراګاندي روغتون ته وسپارل شوه، ضروري درمل شامل دي.


وروسته له دې چې ملګرو ملتونو له افغانستان سره د بشري مرستو غوښتنه کړې، هند تر اوسه پورې په اوو پړاوونو کې ۲۰ ټنه طبي مرسته افغانستان ته لېږلې ده.


دې هېواد افغانستان ته د ۵۰ زره ټنه غنمو ژمنه هم کړې چې ډېره برخه یې د پاکستان له لارې افغانستان ته رسېدلې ده.