په اروپايي هېواد سپېن کې د غوایانو د ځغل مېلې د کورونا جهاني وبا له کبله دوه کاله ځنډېدلې وې خو سږکال بیا پیل شوې چې پکې یو شمېر کسان ژوبل شوي هم دي. په دې مېله کې یو شمېر قهرېدلي غوایان له یوې ګاړې څخه خوشې کړل شي چې په لارو کوڅو کې خلکو پسې منډې وهي. د غوایانو د ځغل دا دودیزې مېلې د سپین په بیلا بیلو برخو کې کېږي چې د ۲۰۰۹م کال راهیسې تر اوسه ۱۶ کسانو پکې ژوند له لاسه ورکړی دی. په دې اړه دا ويډيويي راپور وګورئ چې منورشاه د رویټرز اژانس له ویډیوګانو جوړ کړی دی.
