په زابل کې د ټرافيکي پېښې له امله ٣٠ تنه ټپيان شوي
د زابل ولايت د عامي روغتيا ریيس ډاکټر عبدالحکيم حکيمي وايي چې په دي پېښه کې يو مازدا موټر له يوه ټانکر سره ټکر شوى دى.
ښاغلي حکیمي زیاته کړه، چې ټپیان د کلات روغتون ته لېږدول شوي او د ځینو روغتیايي وضعیت د اندېښنې وړ دی.
په زابل ولايت کې تر دې وړاندې هم ورته پېښې رامنځته شوې دي چې اصلي لامل يې د موټر چلوونکو بې احتياطي او د سړکونو خرابوالى بلل شوى دى.