پاکستاني پوليسو کراچۍ ښار کې ۳۱ افغان کډوال نيولي دي
پاکستاني رسنیو د کراچۍ د کیماړي سیمې د پولیسو مشر فداحسین جانوري په حواله ویلي چې د ناقانونه کډوالو د نیولو لپاره یې هڅې روانې کړي.
له پاکستانه په خواله رسنیو یوه ویډیو هم شریکه شوې چې پهکې لسګونه لاس تړلي کسان ښکاري.
د پښتون ژغورنې غورځنګ مشر منظور احمد پښتین هم د نیولو شویو کسانو د یوه عکس په خپرولو سره لیکلي چې، باید د افغانانو نیول او سپکاوی بند شي.
پښتین همدا راز زیاته کړې چې چمن، تورخم او انګور اډه کې هم هره ورځ لسګونه عام خلک له ستونزو سره مخ کېږي او ورسره زور زیاتی روان دی.