په څو ساعتونو کې د فوټبال نړیوال جام سیالۍ پیلېږي
لومړۍ مسابقه د افغانستان په وخت د شپې په ۸ بجې پیلېږي.
دا لومړۍ ځل دی چې د فوټبال نړيوال کپ سیالۍ په يو عربي هېواد کې کېږي.
د نړۍ د ۳۲ هېوادونو لوبډلې په اتو ګروپونو ویشل شوې چې په هر ګروپ کې څلور ټیمونه برخه لري.
د دې جام د اتلولۍ پایلوبه د ډسېمبر پر ۱۸مه ترسره کېږي.
له بلې خوا د فوټبال د نړیوال جام په تړاو په یوه خبر کې ویل شوي چې قطر به د نړیوال جام له کوربه توبه شاوخوا ۷۰۰ میلیون ډالره وګټي.
دا خبره د فیفا مشر جیاني اینفانټینو پرون شنبه وکړه.
نوموړي وویل، قطر به په ۲۰۱۸ کال کې په روسیې کې د نړیوال جام په پرتله تر ۲۰۰ میلیونه ډالره د رسنیو له حق، ۲۰۰ میلیون ډالر نور د مالي ملاتړ یا سپانسرشپ او له۲۰۰ تر ۳۰۰ میلیونه نور د ټکټونو او میلمه پالنې له درکه ترلاسه کړي.