یونېسف بیا د افغان ماشومانو پرمخ د ښوونځیو د پرانېستل کېدو غوښتنه وکړه
د یونېسف د ارتباطاتو مسوولې سم مورټ په یو څو ټویټونو کې ویلي نن د نومبر ۲۰مه د ماشومانو نړیواله ورځ ده چې په ۱۹۸۹م کال کې د ماشومانو د حقونو کنوانسیون لاسلیک لمانځل کېږي.
د نړۍ هېوادونو د دغه کنوانسیون په لاسلیک سره د تعلیم د حق د ساتنې په ګډون د ماشومانو د حقونو د ملاتړ ژمنه وکړه.
د یونېسف دغې چارواکې ویلي، په افغانستان کې باید ټول ماشومان وکړای شي، ښوونځیو ته لاړ شي.
دا په داسې حال کې ده چې د نړیوالو له غوښتنو سره سره طالبانو په افغانستان کې نجونو ته تر شپږم ټولګي پورته د نور تعلیم اجازه نه ده ورکړې.