په کابل کې د افغانستان د کورنیو تولیداتو نندارتون شوی چې د ليدو لپاره يې نه یوازې ګڼې مېرمنې ورغلي بلکې خپلې هټۍ يې هم لګولې دي. طالبانو د ۲۰۲۱ز کال په اګست میاشت کې پر افغانستان تر واکمنېدو وروسته پر ښځو یوشمېر بنديزونه لګولي خو په دې نندارتون کې د ښځو ګډون هيله ورکوونکی ګڼل کېږي. د کابل د نندارتون زیاترو ګډونوالو هیله څرګنده کړه چې که د طالبانو حکومت پر ښځو محدودیتونه ختم کړي او ټولو خلکو ته د کاروبار موقعې برابرې کړي نو اقتصادي ستونزې يې کمېدای شي. د اژانس فرانس پرېس له ویډیو جوړ رپورټ.
