Мӯи сари Бердимуҳаммадов дар як сол "хокистарӣ" шуд
Тавре хабарнигори Озодӣ аз Туркманистон менависад, тасвирҳои президент дар мактабҳо охири ҳафтаи гузашта иваз шуд. Тасвирҳои Бердимуҳаммадов дар муассисаҳои Туркманистон ба тавари муназзам нав карда мешаванд.
Ҳамаи муассисаҳои давлатӣ, бо шумли бемористонҳо, макотиб, истироҳатгоҳҳо, вазоратҳо, ҳукуматҳои маҳаллӣ, ниҳодҳои интизомӣ, муассиcаҳои варзишӣ ва ҳатто ҳавопаймоҳо бояд портрети президентро дошта бошанд.
Сар аз августи соли гузашта президенти Туркманистон Бердимуҳаммадов бо мӯйҳои хокистарӣ дар мазҳари ом пайдо шуд. Ӯ то расидан ба қудрат дар соли 2006 мӯйҳои сафед дошт,- мегӯяд нашрия.
Акси президент бо мӯйҳои хокистарӣ 5 манат - 95 рубли русӣ ва акси ӯ бо мӯйҳои сиёҳ 4 манат - 76 рубл нарх дорад.
Моҳи марти соли 2018 мақомоти амнияти вилояти Дашоғузи Туркманистон бо рейдҳои ногаҳонӣ ба хонаи сокинон даромаданд, то бубинанд, ки мардум акси президентро ба ҷойи коғази ташноб истифода накунад.
Охири соли 2017 якчанд талабаи мактаб дар ин вилоят барои таҳқири президент боздошт шуданд. Ба гуфтаи манбаи бахши туркмании Радиои Озодӣ талабаҳо аз 3 то 4 сол зиндонӣ шуданд.