Owganystanda ABŞ-nyň iki harbysy wepat boldy
22-nji martda edilen beýanatda "Aýgytly ýardam" missiýasy tarapyndan ýagdaýyň jikme-jikleri barada habar berilmedi, wepat bolanlary atlary hem agzalmady.
"Talybanyň" ABŞ bilen geçirýän gepleşiklerine garamazdan, Owganystanda zorluklar dowam edýär. Şu aýyň başynda geçirilen gepleşikleriň netijeli bolandygyny taraplaryň ikisi-de mälim edipdi, emma hiç hili ylalaşyga gol çekilmändi. NATO-nyň Owganystandaky missiýasy 17 müň harbydan ybarat, olaryň ýarysy Birleşen Ştatlardan.