Owganystana gelen silde azyndan 14 adam heläk boldy. Resmiler Azatlyk radiosynyň Owgan gullugyna günbatardaky Hyrat welaýatynda sil netijesinde 9 adamyň ölendigini, ýurduň demirgazyk-günbatarynda bolsa silden 5 adamyň ölendigini aýtdylar.
Ýerli we BMG resmileriniň maglumatlaryna görä, soňky gelen suw joşmalary mahalynda ýurtda onlarça adam öldi.
Müňlerçe jaýa zyýan ýetdi we köp jaý agyr ýagyşdan soň gelen sil netijesinde weýran boldy.
