Albaniýada hökümete garşy protestler dowam edýär

Albaniýanyň paýtagty Tiranada hökümete garşy çykyş edýän protestçiler polisiýa “Molotow kokteýlerini”, ýagny içi ýangyçly çüýşeleri zyňdylar.


Müňlerçe protestçi ýagynly howa şertlerine hem garamazdan 13-nji maýda demonstrasiýa geçirdiler.


Polisiýa jogap çärelerini geçirmedi.


“Bu bikanun hökümete garşy gönükdirilen ýörişdir” diýip, oppozisiýadaky merkezi-sagçy Demokratik Partiýasynyň lideri Lulzim Başa çykyş etdi.


Hadysada bir polisiýa ofiseriniň ýaralanandygy aýdylýar.


Oppozisiýa fewralyň ortalaryndan bäri hökümet resmilerini parahorlykda aýyplap, şeýle-de mundan iki ozal geçirilen parlament saýlawlarynda galplyklaryň bolandygyny aýdyp, protest geçirýärler.


Oppozisiýa geçiji hökümetiň düzülmegini we irki saýlawlaryň geçirilmegini talap edýär.