Pakistanda “Talybanyň” hüjüminde üç polisiýa ofiseri öldi
Polisiýanyň maglumatyna görä, öý şertlerinde ýasalan partladyjy motosikle ýerleşdirilipdir.
Welaýat häkimliginiň metbugat wekiliniň Azatlyk Radiosynyň Pakistan gullugyna beren maglumatyna görä, partlamada başga-da alty adam, şol sanda üç polisiýa işgäri hem ýaralanypdyr.
Hüjümiň jogapkärçiligini “Pakistanyň Talybany” diýlip hem bilinýän, gadagan edilen “Tehrik-e Taliban Pakistan” jeňçi topary öz üstüne aldy.
Hüjüm mukaddes Remezan aýy sebäpli howpsuzlyk hüşgärliginiň artdyrylan döwrüne gabat geldi.