13-nji iýunda Türkmenistanyň prezidenti Gurbanguly Berdimuhamedow ýurduň ýaragly güýçleriniň taýýarlyk we söweşjeň ukybyny duýdansyz barlamak maksady bilen, gije ýarymdan agandan soňra, degişli düzümleri dessine söweşjeň taýýarlyk ýagdaýyna getirmek barada buýruk berdi.
Birleşen Ştatlaryň Ýewropada Howpsuzlyk we Hyzmatdaşlyk Guramasyndaky missiýasy guramanyň Aşgabatdaky merkezini Türkmenistanda raýat jemgyýetiniň hem-de garaşsyz medianyň ösdürilmegini goldamak boýunça çäreleri geçirmäge çagyrýar.
Kakabaş welosiped sürüjileriň bir topary Kabulyň ýokarsyndaky baýyrlyklara çykdy. Olar Owganystanda sportuň täze bir görünşini ornaşdyryp, dünýä arenasyna çykmakçy bolýarlar. Çeşme: AÝ/AR-nyň Azat Owganystan radiosy
Türk daşary işler ministri Mewlüt Çawuşoglu Türkiýäniň Russiýadan S-400 raketa goranyş sistemasyny satyn almak baradaky ylalaşygy bilen bagly Waşington tarapyndan girizilmegi mümkin islendik sanksiýalara garşy Ankaranyň jogap berjekdigini aýtdy.
Britan sudy WikiLeaksi esaslandyryjy Julian Assanjy Birleşen Ştatlara ibermek ýa-da ibermezlik baradaky doly ekstradisiýa boýunça sud diňlenişiginiň 2020-nji ýylyň fewralynda geçiriljekdigi barada karar çykardy. 14-nji iýunda Londonyň Westminster parahatçylyk sudy tarapyndan çykarylan bu karar, Britaniýanyň içeri işler ministri Sajid Jawidiň Assanjy ekstradisiýa etmek barada Birleşen Ştatlaryň eden haýyşyna gol goýandan bir gün soňa gabat geldi. 47 ýaşyndaky Assanj Birleşen Ştatlaryň häkimiýetleri... Читать дальше...
Täze Zelandiýadaky iki metjitde 51 adamy öldürmekde aýyplanýan awstraliýaly adam özüne ýöňkelýän aýyplamalaryň ähli punktlary boýunça özüniň günäsizdigini aýtdy we bu sud işi boýunça nobatdaky diňlenişik 2020-nji ýylyň 4-nji maýynda diýlip kesgitlendi. 14-nji iýunda Kristçörç (Christchurch) şäheriniň Ýokary sudunda Brenton Tarrant 15-nji martda bolan waka bilen ilteşikli özüne ýöňkelýän adam öldürmek boýunça 51 aýyplamada, adam öldürmäge synanyşmak boýunça 40 aýyplamada we bir terrorizm aýyplamasynda günäsizdigini aýtdy. Читать дальше...
Şanhaý Hyzmatdaşlyk Guramasynyň Bişkekde geçirilen sammitinde Eýranyň prezidenti Hassan Rohani Birleşen Ştatlaryň hereketleriniň regional we global durnuklylyga “çynlakaý” howp abandyrýandygyny aýtdy. Rohani bu baradaky çykyşyny 14-nji iýunda etdi. Bu Birleşen Ştatlaryň döwlet sekretary Maýk Pompeo (Mike Pompeo) Eýrany Omanyň deňiz kenaryndan ABŞ-nyň deňiz güýçleri bilen bilelikde barýan ýapon we norweg nebit tankerlerine hüjüm etmekde aýyplandan bir gün soňa gabat geldi. Eýran bu hüjümler bilen hiç hili ilteşiginiň ýokdugyny aýtdy. Читать дальше...
Aşgabadyň bazarlarynda nyrhlar häkimiýetler tarapynda resmi taýdan kesgitlenýärkä iş ýüzünde durnuksyz bahalar saklanýar. Çöregiň, gök önümleriň, miweleriň we süýt önümleriniň bahasy üýtgäp durýar. Azatlyk Radiosynyň habarçysy Aşgabadyň bazarlaryna aýlanyp şu günki nyrhlar bilen gyzyklandy. Aşgabadyň Teke bazarynda 14-nji iýunda azyk önümleriniň ortaça bahalary şeýle: Çörek - 2-6 manat aralygynda. Mesge ýagy - 35 manat. Süzme - bir kilogramy 12 manatdan. Pomidor - bir kilogramy 7 manatdan. Читать дальше...
Türkmenistanyň “Türkmenhowaýollary” gullugy halkara howa howpsuzlygy standartlarynyň talaplaryna gabat gelmek üçin “Lufthansa Consulting” geňeş kompaniýasyndan ýardam almagy dowam etdirýär.
Türkmenistanyň prezidenti Gurbanguly Berdimuhamedow 13-nji iýunda Döwlet gümrük gullugynyň başlygy Atadurdy Osmanowyň harby çinini peseltdi we oňa berk käýinç yglan etdi.
“Yslam döwleti” ekstremist topary 20-nji maýda Täjigistanyň türmesinde 32 adamyň ölümine sebäp bolan gozgalaňa özüniň jogapkärdigini öňe sürýär. 14-nji iýunda söweşiji topar özüniň “Al-Nabaa” online neşirinde çap eden maglumatynda Duşenbäniň 15 kilometr gündogarynda ýerleşýän we ýokary derejede goralýan türmedäki “hüjümçileriň halyfatyň esgerleridigini” aýtdy. “Yslam döwleti” topary “halyfatyň esgerleri” aňlatmasyny dünýäniň dürli künjeginde amala aşyrylan terrorçylykly hüjümlere özüniň jogapkärdigini öňe sürmek üçin mundan öň hem ulanypdy. Читать дальше...