Öňki rus kanunçykaryjysynyň biznes partnýory tussag edildi
28-nji iýunda Russiýanyň Derňew komiteti “Rolf” atly daşary ýurt ulag brendiniň satuwy boýunça kompaniýanyň direktorlar geňeşiniň agzasy Anatoliý Kaironyň 48 sagatlyk tussag edilendigini aýtdy.
Maglumatda oňa 2014-nji ýylda kompaniýanyň esaslandyryjysy, öňki kanunçykaryjy Sergeý Petrowa Russiýadan 4 milliard rubly, ýagny $63,5 milliony bikanun çykarmaga ýardam bermekde şübhe bildirilýändigi aýdylýar.
Russiýanyň Derňew komitetiniň metbugat wekili Swetlana Petrenkonyň sözlerine görä, Kaironyň deslapky tussaglygy baradaky karar heniz kabul edilmedi. Şol bir wagtda, ol bu iş boýunça derňewleriň dört adama garşy başladylandygyny belledi.