Sibire gelen sil zerarly iki adam öldi

Sibirde güýçli ýagşyň ýagmagy netijesinde gelen sil sebäpli iki adam öldi diýip, ýerli häkimiýetler aýdýarlar.


27-nji iýunda Irkutsk regionynda adatdan daşary ýagdaý yglan edildi. Irkutskda birnäçe gün bäri dowam edýän güýçli ýagyşlar sebäpli regionyň üç etrabyna sil geldi.


28-nji iýunda Irkutsk regional hökümeti häkimiýetler tarapyndan ewakuasiýa kararynyň çykarylandygyna garamazdan, Ýewdokimowka obasyndaky öýlerini terk etmegi ret eden bir jübüdiň gijäň ýarynda heläk bolandygyny aýtdy.