Үзбәкстанның Янгиюль шәһәрендә Сабантуй булды

Ташкент өлкәсенең Янгиюль шәһәрендә Сабантуй үткәрделәр. Бәйрәмне Янгиюль шәһәре хакимияте, Россиянең Үзбәкстандагы Илчелеге, Татарстанның Үзбәкстандагы Вәкиллеге, Ташкент татар иҗтимагый мәдәни-агарту үзәге ярдәме белән Янгиюль Татар иҗтимагый-мәдәни үзәге өлкә хакимияте оештырды.

Янгиюль шәһәр аллеясы үзбәк, рус һәм татар телләрендә баннерлар белән бизәлгән иде. Мәйданда татар халкының җырлары яңгырады. Тамашачылар игътибарын татар, рус, корея, казах, төрекмән мәдәни үзәкләре вәкилләренең милли костюмнары җәлеп итте, дип яза Татарстанның Үзбәкстандагы Вәкиллеге.

Чараны Янгиюль Татар иҗтимагый-мәдәни үзәге рәисе Әнисә Гатауллина ачты. Шәһәр хакименең урынбасары Замирә Алимова халыкны бәйрәм белән котлады. Татарстанның Үзбәкстандагы вәкиле Айдар Ахтареев ТР Президенты Рөстәм Миңнехановның Россия төбәкләрендә һәм чит илләрдә Сабантуй-2022 бәйрәмендә катнашучыларга һәм кунакларга сәламләвен укыды.

Айдар Актареевка татар халкының туган телен, мәдәниятен, традицияләрен, гореф-гадәтләрен саклауга һәм үстерүгә зур өлеш керткәне, Үзбәкстан Республикасында милләтара тынычлыкны һәм татулыкны саклавы өчен Татар иҗтимагый-мәдәни үзәге вәкиллегенең Мактау грамотасы, 2022 елгы Сабантуйны үткәрүрүгә әзерлектә катнашкан өчен Салават Гыйльманов, Әлфирә Гыйльманова, Диләрә Мостафина, Мөдәрис Сакаев һәм Рузимә Хисамовага Вәкиллекнең Рәхмәт хатлары тапшырылды.

Россиянең Үзбәкстандагы илчелеге сәркатибе Гадәттән тыш һәм Тулы вәкаләтле вәкиле илчесе Олег Мальгиновның бәйрәм белән ихлас котлавын җиткерде. Кунакларны Ташкент шәһәре З.Вәлиди исемендәге Башкорт мәдәни үзәге рәисе Ринат Гулие сәламләде.

Янгиюль мәдәният йорты, Гөлбахор бистәсенең 1нче мәктәбе, корея, казах, рус мәдәни үзәкләре коллективлары, Ташкент, Чирчик кунаклары Мәрьям Бохарова һәм аның «Изгенур» төркеме, Марат Хәкимов, Руслан Гайнанов, Рәмзия Бикбулатова, Гөлнара Абдуллина һ. б. сәнгать номерлары белән чыгыш ясады.