Бобомурод Абдуллаев "биринчи ва амалдаги президентдан ҳокимиятни тортиб олиш"да гумонланмоқда
Дастлабки тергов хулосасига кўра¸ журналист Бобомурод Абдуллаев Усмон Ҳақназаров тахаллуси билан Интернетда мавжуд конституциявий тузумни ағдаришга қаратилган материалларни тарқатиш йўли билан ҳокимиятни қонуний сайланган шахслардан тортиб олишни режалаган. Дастлабки тергов хулосасига асосланган Жиноят ишлари бўйича Юнусобод туман суди 1 октябрь куни Абдуллаевни 10 кун МХХ ҳибсхонасида сақлаш ва шу муддат ичида унга қарши жиноий иш очиш ҳақида қарор чиқарди.