Тошкент -Ўш йўлида “бензовоз” ёниб кетди. Икки киши ҳалок бўлди
Ўзбекистон Фавқулодда вазиятлар вазирлигининг билдиришича, 1 июнь куни Тошкент -Ўш йўлида ёқилғи ташувчи автомашина ёниб кетиши оқибатида икки киши ҳалок бўлди. Расмий билдирувда айтилишича, Тошкент вақти билан 14:25 да Қамчиқ давонининг 260-километрида “бензовоз” ёниб кетган. “Мазкур ҳолат машина ҳайдовчисининг бошқарувни йўқотгани оқибатида содир бўлган”,-дейилади расмий хабарда. Ўт ўчирувчилар воқеа жойига етиб келиб ёнғинни бартараф этишган. Ёнғин ўчирилганидан сўнг “бензовоз” салонида ҳалок бўлган икки кишини топган.