Италия терма жамоаси Бельгиядан устун келиб, бронза медалига эга чиқди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Футбол бўйича Миллатлар Лигасининг бронза медали учун Италия ва Бельгия терма жамоалари 10 октябрь, якшанба куни ўзаро баҳс юритди. Учрашувнинг биринчи бўлимида ҳисоб очилмади. Иккинчи бўлимнинг дастлабки дақиқасида Николо Барелла италияликларни олдинга олиб чиққан бўлса, 65-дақиқада Доменико Берарди пенальтини аниқ бажариб, жамоасининг иккинчи голини урди. Учрашув якунланиши арафасида Шарл де Кетеларе ҳисобни қисқартирди. Шу тариқа Италия терма жамоаси Миллатлар Лигасининг бронза медалига эга чиқди. Финалда Испания ва Франция терма жамоалари ўзаро тўқнаш келади. Миллатлар Лигаси 3-ўрин учун баҳс Италия — Бельгия 2:1 Голлар: 1:0 – 46 Барелла, 2:0 – 65, пенальти Берарди, 2:1 – 86 де Кетеларе. Италия – Доннарумма, Бастони, Эмерсон, Ачерби, Ди Лоренцо, Локателли, Барелла (Кристанте, 70), Кьеза (Бернардески, 90), Пеллегрини (Жоржиньо, 71), Берарди (Инсинье, 90), Распадори (Кин, 65). Бельгия – Куртуа, Вертонген, Алдервейрелд, Денаер, Кастань, Saleмакерс (де Кетеларе, 59), Витцель, Карраско (Троссард, 87), Тилеманс (де Брюйне, 59), Ванакен, Бацҳуайи. Огоҳлантиришлар: Вертонген (14), Ди Лоренцо (30), Витцель (56), Алдервейрелд (63), Эмерсон (82).