"Барселона" 21 йил ичида илк маротаба ЕЧЛ плей-офф босқичига чиқа олмади — Бизга қўшилинг: ???? https://t.me/joinchat/AAAAADwt0NGCRoONT4f1_Q

Футбол бўйича Европа Чемпионлар Лигасининг сўнгги, 6-туридан ўрин олган учрашувлар 8 декабрь, чоршанба куни бўлиб ўтди E гуруҳининг ҳал қилувчи ўйинида «Барселона» сафарда «Бавария» майдонига сафар қилди ва ўз дарвозасидан жавобсиз 3 та тўп ўтказиб юборди. 34-дақиқада Томас Мюллер Роберт Левандовскининг узатмасини дарвозага жойлаб қўйди. Биринчи бўлим сўнгида эса Лерой Сане узоқ масофадан кучли зарба йўллаб, орадаги фарқни оширди. Иккинчи бўлимда ҳам мезбонлар Хави бошқарувидаги «Барселона» дарвозасини ишғол этишнинг уддасидан чиқди: 62-дақиқада Жамол Мусиала ҳам ўз номини таблога ёздириб қўйди. Ушбу вазиятда Альфонсо Дэвис тўпни Мусиалага етказиб бераётган вақтда тўп майдондан чиқиб кетгани кўринди. Бироқ учрашув ҳаками голни инобатга олди. Шу тариқа «Барселона» 2000/01 йилги мавсумдан бери илк марта ЕЧЛ плей-офф босқичида қатнашмайди. Эндиликда жамоа Европа Лигасида ўз иштирокини давом эттиради. Гуруҳнинг иккинчи ўйинида «Бенфика» «Динамо К»ни енгди ва иккинчи ўрин билан кейинги босқич масаласини ҳал қилди. E гуруҳидаги якуний ҳолат Скрин: УЕФА Ўтган турда кейинги босқич масаласини ҳал қилган «Манчестер Юнайтед» «Янг Бойз» билан 1:1 ҳисобидаги дурангга имзо чекди. Мазкур учрашувда «Манчестер Юнайтед» ҳужумчиси Криштиану Роналду майдонга тушмади. «Аталанта» – «Вильярреал» баҳси эса ноқулай об-ҳаво туфайли қолдирилди. Учрашув 9 декабрь куни ўтказилади. Шунингдек, яна бир қанча гуруҳларда сўнгги тур ўйинлари ўтказилди ва Чемпионлар Лигасининг 15 та плей-оффчиси номи маълум бўлди. Улар қуйидагилар: «Ливерпуль», «Аякс», «Бавария», «Ювентус», «Манчестер Юнайтед», «Челси», «Интер», «Реал Мадрид», «Манчестер Сити», «ПСЖ», «Спортинг», «Атлетико», «Бенфика», «Лилл» ва «Зальцбург». Кейинги босқичга йўл олган 16-жамоа номи «Аталанта»— «Вильярреал» ўйинидан кейин аниқ бўлади. «Бавария» Германия – «Барселона» Испания 3:0 Голлар: 1:0 – 34 Мюллер, 2:0 – 43 Сане, 3:0 – 62 Мусиала. «Бавария» – Нойер, Павар, Зюле (Нянзу, 78), Упамекано, Дэвис (Ричардс, 71), Толиссо (Рока, 60), Мусиала, Мюллер, Левандовски (Тиллман, 77), Коман (Сарр, 71), Сане. «Барселона» – тер Стеген, Араухо, Пике, Лангле, Альба (Мингеса, 31), Бускетс, де Йонг (Пуч, 73), Гави (Демир, 86), Дест (Нико Гонсалес, 46), Депай, Дембеле (Коутиньо, 73). Огоҳлантиришлар: Бускетс (3), Араухо (16), Ричардс (82). «Бенфика» Португалия – «Динамо К» Украина 2:0 Голлар: 1:0 – 16 Яремчук, 2:0 – 22 Жилберто. «Манчестер Юнайтед» Англия – «Янг Бойз» Швейцария 1:1 Голлар: 1:0 – 9 Гринвуд, 1:1 – 42 Ридер. «Манчестер Юнайтед» – Ҳендерсон (Ҳитон, 68), Уан-Биссака, Матич, Байи, Шоу (Менжи, 61), Мата (Севиж, 89), Лингард (Икбал, 89), ван де Бек, Диалло (Шортайр, 68), Гринвуд, Эланга. «Янг Бойз» – Февр, Масерас, Лустенбергер, Камара (Лаупер, 77), Лефор, Нгамале, Ридер (Хефти, 62), Мартинс Перейра, Эбишер (Серро, 62), Себацҳо (Канга, 62), Элиа (Майер, 87). Огоҳлантириш: Шортайр (79). «Вольфсбург» Германия – «Лилл» Франция 1:3 Голлар: 0:1 – 11 Йилмаз, 0:2 – 72 Дэвид, 0:3 – 77 Гомес, 1:3 – 89 Штеффен. «Зальцбург» Австрия – «Севилья» Испания 1:0 Гол:1:0 – 50 Окафор.