Путин ЕОИИ йиғилишида қандай таклифлар билдирди? — Бизга қўшилинг: ???? https://t.me/joinchat/AAAAADwt0NGCRoONT4f1_Q

Владимир Путин Олий Евроосиё иқтисодий кенгаши йиғилишида нутқ сўзлади. Россия етакчиси таъкидлашича, пандемия ва жаҳон бозорларидаги беқарорлик фонида мураккаб шароитларга қарамай, ЕОИИ доирасидаги ўзаро ҳамкорлик жуда самарали бўлди. Иттифоқнинг умумий қонунчилигини такомиллаштириш жараёни давом этмоқда. ЕОИИ мамлакатлари товар ва хизматлар ҳаракати йўлидаги тўсиқларни фаол равишда бартараф этмоқда, деди Путин. “COVID-19сиз саёҳат” “COVID-19сиз саёҳат” мобил иловаси пандемия шароитида интеграция бирлашмаси доирасида ЕОИИ мамлакатлари фуқароларининг эркин ва хавфсиз ҳаракатланиши учун ишга туширилди. Рўйхатдан ўтгандан сўнг, фойдаланувчига маълум бир мамлакатдаги амалдаги чекловлар ва қоидалар ҳақида маълумот юборилади, текширилган лабораториялар рўйхати ва тестдан ўтиш учун рўйхатдан ўтиш имконияти тақдим этилади. Ҳозирда лойиҳада Арманистон, Беларус, Қозоғистон, Қирғизистон, Озарбайжон, Молдова, Тожикистон, Туркманистон ва Ўзбекистон иштирок этмоқда. Путин лойиҳа географиясини кенгайтиришни таклиф қилди. Президент ҳозирда ЕОИИ давлатларидан ташқари, Озарбайжон, Молдова, Тожикистон ва Ўзбекистонда ҳам илова фаол қўлланилаётганини таъкидлади. Давлат раҳбари лойиҳани такомиллаштириш борасидаги ишларни давом эттиришни таклиф қилди. Навигация пломбалари Россия ЕОИИ Олий кенгаши йиғилишида электрон навигация пломбалари ҳақидаги ҳужжат қабул қилиниш ҳақида ташаббус билан чиқди. Бу товарлар ҳаракатини шаффоф кузатиш имконини беради, деди Путин. “Улар (пломба – Sputnik) товарларнинг трансчегаравий ташишларни кузатиш, товарлар хавфсизлигини ишончли кафолатлаш ва уларни чегарада расмийлаштириш тартибини соддалаштириш имконини беради”, — деб қўшимча қилди Россия лидери. Бундай пломбалардан фойдаланиш, шубҳасиз, божхона операцияларининг шаффофлигини оширади ва ЕОИИ ҳудудида транспорт хизматлари соҳасини ривожлантиришга ижобий таъсир кўрсатади. Бу пломбалар Европа ва Осиё-Тинч океани минтақаси ўртасидаги юк транзити учун транспорт йўналишларини жозибадор қилади, деди Россия президенти. Вакцинация Коронавирусга қарши кураш ЕОИИ давлатларини фармацевтика саноати ва умуман тиббиёт соҳасида ҳамкорлик қилишга ундайди, деди Путин. Мамлакатлар Россия технологиялари туфайли эмлаш суръатларини оширишга муваффақ бўлди. "Россия нафақат ишлаб чиқариш қувватлари ва янги иш ўринларини яратишга сармоя киритди, балки энг замонавий тиббий технологияларни ҳам трансферини амалга оширди ва шу тариқа ЕврАзЕС ҳамкорларимиз аҳолини ўзи ишлаб чиқарган юқори самарали препаратлар билан эмлаш суръатларини оширишга муваффақ бўлди”, — деб қўшимча қилди президент. Унинг сўзларига кўра, бу бутун Евроосиё ҳудудида COVID-19нинг коллектив иммунитетини оширади. Путиннинг сўзларига кўра, бу иштирокчи давлатлар фуқароларининг ЕОИИ ҳудуди бўйлаб эркин ҳаракатланишини тўлиқ тиклаш учун шароит яратади. Иқлим ва яшил иқтисодиёт Россия етакчиси ЕОИИ мамлакатларини иқлим кун тартиби ва иқтисодиётнинг яшил трансформацияси мавзусида ҳамкорликни фаоллаштиришга чақирди. Россия ташаббуси билан иссиқхона газлари чиқиндиларига қарши курашиш, углерод нейтраллигига эришиш ҳамда атроф-муҳитни муҳофаза қилиш масалалари бўйича позицияларни мувофиқлаштириш билан шуғулланувчи махсус ишчи гуруҳ тузилган. “Биз ЕвроАзЕС ҳамкорлари билан бу борадаги конструктив ҳамкорликни давом эттиришга умид қиламиз”, — деди президент. Товарларни маркировкалаш Путин ЕОИИда маҳсулотларни маркалаш тизимини кенгайтиришни таклиф қилди. Бу Иттифоқдаги бозорлар шаффофлигини таъминлаш учун зарур. Бу амалиёт ноқонуний савдога қарши курашда – айниқса, истеъмол товарлар йўналишида ўз самарасини кўрсатди. Бундан ташқари, маркировка иштирокчи мамлакатлар бюджетларига солиқ тушумларини оширади, шунингдек, бизнес учун рақобат муҳитини яратади, дея хулоса қилди Путин.