ՀՀ իրավապահ մարմինները արձագանքել են Ղրիմի կամրջի պայթյունի գործին
Երեւան: Մեդիամաքս: Հայաստանի գլխավոր դատախազությունում ուսումնասիրվել են ՌԴ Անվտանգության դաշնային ծառայության կողմից այսօր տարածված տեղեկությունները եւ լրատվամիջոցներում առկա հրապարակումները:
«Նկատի ունենալով, որ հրապարակումը պարունակել է առերեւույթ հանցանքի մասին վկայող տեղեկություններ՝ Գլխավոր դատախազությունը դրանք հասցեագրել է ՀՀ ԱԱԾ քննչական դեպարտամենտ՝ քրեական վարույթ նախաձեռնելու հարցը լուծելու հանձնարարությամբ»,- ասված է դատախազության տարածած հաղորդագրությունում:
Նշվում է, որ «դատախազությունը հետեւողական է լինելու հրապարակված տեղեկատվության հանգամանքներն ամբողջությամբ բացահայտելու ուղղությամբ»: