Орусиядан 147, Германиядан 59 кыргызстандык келди

14-майда «Манас» эл аралык аэропорту «Авиа Траффик» авиакомпаниясынын Москва-Бишкек чартердик каттамын тосуп алды. Аны менен 147 кыргыз жараны өлкөгө кайтарылды. Бул тууралуу Республикалык штаб маалымдады.


Мындан сырткары Германиянын Франкфурт-на-Майне шаарынан Бишкекке Кыргызстандын 59 жараны кайтып келди. «Condor Airlines» германиялык авиакомпаниясынын чартердик каттамы менен «Sea Chefs» круиздик лайнеринде иштеген 48 киши, ошондой эле буга чейин авиабилет сатып алган 11 кыргызстандык мекенине кайтты. 


Азыркы учурда бардык келген жарандар бекитилген тартипте обсервацияга көзөмөлгө жайгаштырылды. Кыргыз бийлиги сырттагы мекендештерди кайтарып алып келүү боюнча иштеп жатканын билдирүүдө. (TSh)