НАТО планира до пролетта 2018 година да ја прими Македонија како полноправна членка, тврди агенцијата Спутник, повикувајќи се на сопствени извори во Алијансата.
За да работи со и за поддршка на новата влада во нејзините реформски напори, јас повторно испраќам група независни високи експерти за владеењето на правото, предводени од Рајнхард Прибе, соопшти вчера еврокомесарот за проширување Јоханес Хан.
Пратениците на СДСМ во Комисијата за политички системи го отфрлија доставениот текст од страна на Снежана Кузмановска, која што предвидуваше измени во Законот за работни односи, поточно промени на породилното отсуство за мајките од 9 на 18 месеци.
ВМРО-ДПМНЕ и како опозиција силно ќе работи Македонија да добие преговори со Европската унија и членство во НАТО. Оваа порака од Брисел денеска ја испрати претседателот на најголемата опозициска партија и поранешен премиер Никола Груевски, по средбата со еврокомесарот за преговори за проширување Јоханес Хан
Двајца посебни советници кои ќе бидат вработени во нејзиниот кабинет бара со вчера распишаниот оглас новата министерка за одбрана Радмила Шекеринска. Огласот е распишан за еден советник од областа на надворешната политика и еден советник за прашања од областа на правните работи. Во него е наведено дека основната нето-плата на советниците ќе изнесува од 35.000 денари до 50.000 денари. Неофицијално, едниот советник е веќе познат.
Повторени се „цврстите“ грчки позиции за прашањето за името, е пораката што вчера грчкиот премиер Алексис Ципрас му ја кажал на својот македонски колега Зоран Заев во телефонскиот разговор. Ципрас, како што е соопштено од неговиот кабинет, на Заев му го честитал изборот за премиер
Прво двегодишно стабилизирање на состојбата во јавното обвинителство, а потоа можност опозицијата да предложи негов шеф, вети премиерот Зоран Заев во своето последно интервју на Македонската телевизија.
Американскиот претседател Доналд Трамп бара од државниот секретар Рекс Тилерсон да ги обнови односите меѓу САД и Русија и да не дозволи политички превирања да го оневозможат тоа, додека, истовремено, во Македонија се создава една атмосфера на т.н. русофобија, преку објавување информации дека Москва, користејќи свои дипломати и шпиони, со години работела на креирање раздор во земјава.