22 მაისს რამდენიმე ამბავზე ვისაუბრეთ, მათ შორის: ვენეციის კომისიის რეკომენდაციაზე; ევროკავშირის სამიტისთვის მზადებაზე; მოლდოვასთან თავდაცვის პარტნიორობის გაფორმებაზე; უკრაინისთვის საჭირო სამხედრო დახმარებაზე; კარიმ ხანის მიერ ისრაელისა და ჰამასის ლიდერებისთვის დაკავების ორდერების მოთხოვნაზე; ირანზე.
ზაფხულის სანავიგაციო სეზონში საქართველოდან 13 600 ავიარეისი შესრულდება. ეკონომიკის სამინისტროს ინფორმაციით, ფრენების 18% ევროპაშია დაგეგმილი, 17% - გალფის ქვეყნებში, 13% - რუსეთში, დანარჩენი 52% კი - სხვა ქვეყნებში.
საქართველოს პროკურატურა იუწყება, რომ ევროკავშირის ქვეყნების ბიბლიოთეკებიდან ძვირადღირებული წიგნების ქურდობის ბრალდებით კიდევ ერთი ადამიანი დააკავეს. როგორც გამოძიებით დადგინდა, საქართველოს მოქალაქეებმა შექმნეს ორგანიზებული დანაშაულებრივი ჯგუფი და განიზრახეს ევროპის მასშტაბით დაუფლებოდნენ მე-19 საუკუნის სხვადასხვა ავტორის ძვირადღირებულ წიგნებს.