Новости за 27.03.2024

Әлмәт театрында Туфан Миңнуллин пьесасы буенча куелган «Ат карагы» спектакле «Актерлар ансамбле» номинациясендә «Тантана» премиясенә ия булды.

«Тантана» театр премиясен тапшыру тантанасы «Дебют» номинациясеннән башланды. Лауреатлар исеме язылган конвертны Буа театры житәкчесе Раил Садриев ачты һәм жиңүчеләрне игълан итте.

2024 елда Казанда Җиңү көнен бәйрәм итүгә 41,88 миллион сум акча сарыф итәргә ниятлиләр. Тендер дәүләт сатып алулары сайтында урнаштырылган.

Татарстан һәм Чувашия территориясендә начар һава торышы шартлары аркасында «Автодор» дәүләт компаниясе машина йөртүчеләрдән «Көнчыгыш» М12 трассасы буенча хәрәкәт итмәүләрен сорады. Хәбәр дәүләт компаниясенең Telegram каналында урнаштырылган.

Кичә Татарстанның Түбән Кама районыннан махсус операциядә катнашучыларны һәм аларның гаиләләрен ифтарга чакырдылар. Очрашуны Үзәк Җәмигъ мәчете вәкилләре һәм муниципалитет оештырган. Рамазан аенда мөселманнар өчен солдатларга һәм аларның гаиләләренә ярдәм итү аеруча мөһим.

КФУның татар әдәбияты кафедрасы доценты, әдәбият галиме Гөлфия Гайнуллина Татарстанның халык язучысы, Габдулла Тукай исемендәге дәүләт премиясе лауреаты Әмирхан Еникинең 115 еллыгына багышланган «Әмирхан Еники һәм татар әдәбияты яңарышы» дип аталган түгәрәк өстәл утырышында катнашты. Галимә язучы мирасын пропагандалау турындагы бурычлар белән таныштырды.

Пәнҗешәмбе Татарстан территориясендә кабат кар, җил һәм бураннар көтелә. Әмма киләсе көннәргә явым-төшемнәр фаразланмый. Бу хакта республиканың Гидрометеорология үзәге хәбәр итә.

Махсус хәрби операция ветераны яңа электрон таныклыклары нинди булачагы билгеле.Моннан тыш, таныклыкны алу, аны активлаштыру һәм куллану турында тәфсилле инструкцияле инфографика, шулай ук банк һәм төбәкләрнең социаль хезмәте эш тәртибе белән мәгълүмат басылып чыкты.

Татарстан Язучылар берлеге рәисе, Татарстан Республикасы халык язучысы, Габдулла Тукай исемендәге дәүләт премиясе лауреаты Ркаил Зәйдулла язучы Әмирхан Еникинең 115 еллыгына багышланган «Әмирхан Еники һәм татар әдәбияты яңарышы» түгәрәк өстәл утырышында катнашты. Ул Әмирхан Еникине татар әдәбиятының камил һәм мөкәммәл икәнлеген күрсәтүен әйтте.

Социаль челтәрләрдә Казанның Газ урамындагы биш катлы йортта янгын чыгуын хәбәр итәләр.

Рөстәм Миңнеханов Үзбәкстанга эш визиты барышында берничә зур җитештерүче компаниядә булган. Бу хакта Рәиснең матбугат хезмәте җитәкчесе Лилия Галимова хәбәр итте.

Конго Республикасы Президенты Дени Сассу-Нгессо телефон аша сөйләшкәндә Россия Президенты Владимир Путинга Мәскәүнең «Крокус Сити Холл» сәүдә үзәгендә булган теракт белән бәйле тирән кайгы уртаклашуын белдерде.

Мәгариф һәм фән өлкәсендә күзәтчелек федераль хезмәте (Рособрнадзор), чыгарылыш сыйныф укучылары бер предметны яңадан тапшыра алсын өчен, төп этаптагы БДИ расписаниесенә үзгәреш кертәчәк. ТР Төбәк белән идарә итү үзәге тарафыннан Татарстан мәгариф һәм фән министры Илсур Һадиуллин белән оештырылган туры эфир вакытында шул хакта билгеле булды.

12нче Республикакүләм ифтарын оештыручылар, куркынычсызлык чараларын көчәйтү сәбәпле, шулай ук кунаклар ифтар вакытында үзләрен уңайлы хис итсен өчен, кичәгә алдан килергә чакыра.

Иртәгә, 28 мартта, Татарстанда һәм Казанда янә һава шартларының бозылуы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Татарстанның халык язучысы, Габдулла Тукай исемендәге дәүләт премиясе лауреаты Әмирхан Еникинең (1909-2000) тууына 115 ел тулуга багышланган «Әмирхан Еники һәм татар әдәбияты яңарышы» дип аталган түгәрәк өстәл утырышы булды. Филология фәннәре докторы, Галимҗан Ибраһимов исемендәге Тел, әдәбият һәм сәнгать институты директорының фәнни эшләр буенча урынбасары Олег Хисамов язучы иҗаты турында сөйләде.

«Крокус Сити Холл»да теракт вакытында зыян күргән 76 кеше, шул исәптән бер бала, хастаханәдән өйләренә чыгарылган. Алар табиблар күзәтүендә булачак, дип белдерде Россия Сәламәтлек саклау министры Михаил Мурашко. Бу хакта РИА Новости яза.

«Казан» халыкара аэропортындагы онлайн-табло мәгълүматлары буенча, Казаннан 5565нче рейс белән Мисырның Шарм-эль-Шейх шәһәренә юл тотарга тиешле самолетны 12 сәгатькә тоткарлаганнар. Очкыч 2.45 сәгатьтә үк кузгалып китәргә тиеш булган.

Австралиянең Сидней шәһәрендә Нәүрүз бәйрәмен билгеләп үттеләр. Бу хакта Бөтендөнья татар конгрессының матбугат хезмәте хәбәр итә.

Чаллыда 22 яшьлек ир кеше югалган. Бу хакта мәгълүмат ТР югалган һәм зыян күргән балаларга ярдәм итү үзәкнең «ВКонтакте» төркемендә урнаштырылган.

29 мартта 16.00 сәгатьтә «Хәзинә» Милли сәнгать галереясында Татарстанның атказанган мәдәният хезмәткәре, Россия һәм Татарстан Рәссамнар берлеге әгъзасы, республиканың беренче Президенты Минтимер Шәймиевнең фотографы Михаил Козловскийның тууына 70 ел тулуга багышланган «Михаил Козловский. Эпоха» дип аталган фотокүргәзмә ачыла.

Татарстан халкын 10 апрельдә Ураза бәйрәме уңаеннан өстәмә ял көне көтә, дип хәбәр итә ТР Хезмәт, халыкны эш белән тәэмин итү һәм социаль яклау министрлыгы. Әлеге бәйрәм датасы элегрәк республика Рәисе Рөстәм Миңнеханов указы белән расланган иде.

Мәскәү өлкәсендәге «Крокус Сити Холл»да терактта зыян күрүчеләр саны 360 кешегә җитте. Бу хакта ТАСС агентлыгына катастрофалар медицина үзәгендә хәбәр иттеләр.

Һава шартлары начар булу сәбәпле Татарстан башкаласында 10 светофор эшләми, дип хәбәр иттеләр Казан шәһәренең Транспорт комитетында. Биредә аңлатуларынча, көчле җил һәм яңгыр сәбәпле светофорларның контакт үткәргече юешләнгән.

Татарстан Рәисе Рөстәм Миңнеханов һәм Сурхандәрья өлкәсе хокиме Улугбек Косимов Үзбәкстанның Термез шәһәрендәге «Айритом» ирекле сәүдә зонасында булды. Бу хакта «Татар-информ» агентлыгына ТР Рәисенең матбугат хезмәте җитәкчесе Лилия Галимова хәбәр итте.