Новости за 25.04.2024

Бүген, 25 апрельдә, Россия ислам институты бинасында Татарстан мәдрәсәләре һәм ислам югары уку йортлары шәкертләре арасында татар теле, татар әдәбияты һәм татар халкы тарихы буенча IV Республикакүләм олимпиада, урта һөнәри ислам уку йортлары студентлары арасында ислам фәннәре һәм гарәп теле буенча төбәкара олимпиада үтә. Бу хакта ТР Диния нәзарәте матбугат хезмәте хәбәр итә.

Махсус хәрби операциядә катнашучы кайбер гражданнарның балалары мәктәпкәчә белем бирү учреждениеләренә чиратсыз кабул ителү хокукын алды. Шул хактагы карар Татарстан башкаласы башкарма комитетының документлар һәм хокукый актлар җыентыгында урнаштырылган.

28 апрель көнне Сочида V Көньяк Сабан туе узачак. Бу хакта Бөтендөнья татар конгрессы матбугат хезмәте хәбәр итә.

Мексикага баручы россиялеләрне АКШ аркасында Turkish Airlines рейсларына үткәрмиләр, чөнки Кушма Штатлар бу илнең Хөкүмәтенә басым ясый. РФ тышкы эшләр министры урынбасары Сергей Рябков шулай дип саный. Бу хакта ТАСС агентлыгы хәбәр итә.

Районнарның күбесе кыр эшләренә, чәчүгә кереште. Һава торышы да әйбәт тора, җир дә дымга туенды, тик игенчеләрнең генә кәефе юк. Алексеевск районы Кыр Шонталысы авылы фермеры Илшат Батдалов та моны раслады.

Казанда яшәүче хатын-кыз стоматология клиникасының түләүле хезмәтләре өчен ике килешү төзегән, аларга түләгән, әмма дәвалау сыйфатсыз булган һәм бу аның сәламәтлеге өчен тискәре нәтиҗәләргә китергән. Әлеге хатын-кыз реанимациягә эләккән. Бу хакта Россия Суд приставлары федераль хезмәтенең ТР буенча Баш идарәсе матбугат хезмәтендә хәбәр иттеләр.

Татарстан Республикасы Премьер-министры урынбасары, Бөтендөнья татар конгрессы Милли шурасы рәисе Васил Шәйхразыев эш сәфәре белән Беларусь Республикасының Минск шәһәрендә. Бу турыда Конгрессның матбугат хезмәте хәбәр итте.

«Казан Экспо» халыкара күргәзмә комплексы мәйданчыгында Россия венчур форумы күргәзмәсе ачылды. Татарстан Рәисе Рөстәм Миңнеханов экспозиция белән танышты. Бу турыда «Татар-информ» хәбәрчесе Александр Хверонин яза.

21 апрель көнне Самара өлкәсенең Камышлы авылында татар авыллары арасында футбол буенча Бөтендөнья татар конгрессы бүләкләренә турнир үтте. Бу турыда Конгресс хәбәр итте.

Казанда XVIII Россия венчур форумын ачу тантанасы узды. «Казан Экспо» халыкара күргәзмә комплексы мәйданчыгында ачылган чараның төп темасы - «Технологик эшкуарлык: югары компетенцияләр киңлеге». Бу турыда «Татар-информ» хәбәрчесе Александр Хевронин яза.

Башкорт драма театры 6-28 апрельдә Венгрия башкаласы – Будапешт шәһәрендә узучы «МИТЕМ» XI Халыкара фестивалендә чыгыш ясады. Бу хакта «Башинформ» агентлыгы хәбәр итә.

Пәнҗешәмбе, 25 апрельдә, Мәскәүдә Халык хуҗалыгы казанышлары күргәзмәсенең (ВДНХ) 75нче павильоны конгресс-үзәгендә «Илкүләм өстенлекләр көне. Озын һәм актив тормыш: Спорт» чарасы уза.

Пәнҗешәмбе, 25 апрельдә, Татарстанда алмашынучан болытлы һава торышы фаразлана. Явым-төшем көтелми, әмма иртән урыны белән томан төшәргә мөмкин. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Бүген Казан үзәгендә хәрәкәт өлешчә чикләнә. Бу җиңел атлетика эстафетасын үткәрү белән бәйле, дип хәбәр итте Казан мэриясе.

Башкортстанның Мәчетле районы татарлары автономиясе социль челтәрләрдә «БәлешФест-2024» бәйрәме зу турында хәбәр итте.

Ульяновск өлкәсенең «Өмет» газетасында «Драматург Кәшшаф Әмиров» дигән язма чыкты. Әлеге язма «2024 ел – Шәхесләр елы» уңаеннан бирелә.

Чирмешән районының Чик сакчылары гаскәрләрендә хезмәт иткән ир-егетләре күптәнге хыялларын чынга ашыра. Алар 28 майда - Чик сакчылары көнендә һәйкәл ачарга җыена. Бу хакта «Безнең Чирмешән» сайтында Кадрия Гамирова яза.

Самара өлкәсенең Иске Ярмәк авылы мәчетләрендә төрле җимеш агачлары утырту а өмәләре булды. Агачларны Сызрань шәһәре мөселман яшьләре бүләк иткән. Бу турыда «Самара татарлары» сайтында хәбәр ителә.

Актаныш районы Такталачык төп гомуми белем бирү мәктәбендә «Уку-укыту һәм тәрбия эшчәнлегендә функциональ грамоталылык» темасы буенча мәктәп директорларының район семинары узды.Бу хакта «Актаныш-информ»да Ләйсән Газизова яза.

Алабуга районы башлыгы Рөстәм Нуриев хәрби хезмәткәр Максимга «Татарстан Республикасы алдындагы казанышлары өчен» ордены медален тапшырды. Башлык алабугалыга махсус операция уздыру зонасында күрсәткән батырлыгы һәм кыюлыгы өчен рәхмәт белдерде. Бу хакта «Алабуга нуры» хәбәр итә.

Саба районы «Нарат» боз сараенда фигуралы шуу белән шөгыльләнүче Шәмәрдән кызы Әминә Закирҗанова Санкт-Петербургта уткән Бөтенроссия махсус олипиадасында 1 урынны яулады. Бу хакта https://saba-rt.ru хәбәр итә.

16 апрельдә район эчке эшләр бүлегенә Зәйдә яшәүче хатын-кыздан гариза кергән. Аңа билгесез кешеләр шалтыратып, аның исеменә кредит рәсмиләштерергә омтылулары, акчаларны куркынычсыз счетка күчерергә кирәк дип белдерәләр. Әлеге хатын-кыз, ышанып, 3420455 сум акчасын мошенникларга күчергән. Бу хакта «Зәй яңалыклары» сайтында Клара Ермолаева яза.