Донбассехь харжамаш хIиттийначарна дуьхьал санкцеш йохур ю аьлла Евробертан векалша

Донбассера йозуш йоцуш ю аьлла дIакхайкхийначу  "ДНР-н" а, "ЛНР-н" а республикийн территореш тIехь харжамаш дIабахьарна жоьпаллехь волчу исс стагна дуьхьал санкцеш яха бартбина Европерчу пачхьалкхаша. Маршо Радион корреспонденто Йозвяк Рикарда бина и хаам. Информаци ишта тIечIагIйина Оьрсийчоьнан цхьаболчу хаамийн гIирсаша а, РБК агенталло а цхьана.


Донбассерчу "республикийн" куьйгалхой къастош харжамаш дIабаьхьира байначу беттан 11-чохь. Цу дийннехь хилира парламентан харжамаш а.


Дуьненаюкъарчу пачхьалкхаша а, Украинан Iедалхоша а легитиме ца лерира харжамаш, Минскан барт бохийна цара аьлла, дIа а кхайкхош. Цуьнца доьзна Iамеркан Цхьанатоьхначу Штаташа Москохна санкцешца тIеIаткъам бийр бу шаьш аьлла, кхерамаш тесна.