Новости за 25.11.2021

Нохчийчоьнан парламенто лаам къадийна Пачхьалкхан Думехь, зулам дина стаг хьахош, иза схьаваьлла къам довзийтар дехка деза, аьлла. Республикерчу Iедалхошна хетарехь, оцо цим тосу къаьмнашна юкъа. Нохчийн парламентареша чIагIдарехь, къомах я динах дозуш дац стага дина зулам. Делахь а, Нохчийчуьрчу Iедалхоша шаьш кест-кеста хьхадо шайн оппонентийн къам, я дозаллица билгалдоккху шайн цIий цIена хилар. Ишта масалш дагадохкуьйту Кавказ.Реалиино. 2019 шарахь Нохчийчоьнан министрийн кабинетан цхьана кхеташонехь... Читать дальше...

Соьлжа-ГIалахь дIаяьхьначу кхеташонехь Нохчийчоьнан куьйгалхочо Кадыров Рамзана дIахьедина, нагахь санна, 2018-чу шарахь дозанаш къастош демаркаци ярх претензеш ечуьра гIалгIайн жигархой ца совцахь, ша Оьрсийчоьнан Iедалхошка дехар дийр ду, къобал ца йинчу Ичкерин заманахь бархI эвла дIалуш бина сацам юхабаккха аьлла. "Оха динчунна шу реза дацахь, пачхьалкхан куьйгалле дехар дийр ду оха, нийса сацам бахьара аьлла... ТIаккха тхуна юхаерзор ю тхан бархI эвла", - яздина Нохчийчоьнан куьйгалхочо "ВКонтактерчу" шен агIонехь. Читать дальше...

Цкъа а хиллачу кепара лиран мах охьабожарна оьгIазбахна гIалин бахархой протестан акцешка бевллера, Iедалан урхалле дарж охьадиллар тIедожош

ТаIзар кхочушдаран федералан урхаллан (ФСИН) куьйгалхо Калашников Александр дажржах мукъаваьккхина Оьрсийчоьнан президенто Путин Владимира. Цунах лаьцна омра Кремлан сайтехь зорбане даьккхина. ДIаваккхаран бахьанаш ца дуьйцу. ФСИН-н керла хьаькам ву Гостев Аркадий, хьалха чоьхьарчу гIуллакхийн министран гIовс лаьттина волу. Колонешкахь а, ФСИН-н кхечу хьукматашкахь а тутмакхаш хьийзийна, царна тIехь Iазапаш, къизаллаш лелош гойту иттаннаш видеош тIаьххьарчу кIиранашкахь Гулагу.нет проектан бакъонашларъярхоша зорбане ехира. Читать дальше...

Бакъоларъяран органаша Магаданан кIоштахь лаьцна ГIалгIайчуьра вахархо Алтемиров Султан. Официалан хаамашца, федералан лехамашкахь хилла иза нуьцкъаша ахчанаш дахарна, хаамбо "ОПЕР Слил" телеграм-канало. Талламна тарделла, бехкехетарг лелаш хилла, ГIалгIайчохь болх бечу батIалхьажойн вежаралла олучу тобанан интересашкахь аьлла, церан жигара декъашхо хилла иза ша а. Карарчу хенахь Алтемировна дIасавалар доьхкуш барамаш бу дIахьош, иза даймахка дIа а хьажош. БатIалхьаьжойн вежараллина юкъахь ву 20 эзар гергга стаг. Читать дальше...

Узбекистанерчу Ташкентан кIоштарчу чоьхьарчу гIуллакхийн органийн белхахоша иттаннашкахь  тIекхайкхинчу божарийн мажош дIаяьшна бертаза. Узбекийн Азаттык Радионо бина и хаам. Милици тIекхайкхинчух цхьаммо, Холматов Икрама дийцина, гIалин милицин декъе ша Лахьан-беттан 22-чохь вигинера "лоьхуш йолчу цхьана зудчун хьокъехь" хеттарш дан аьлла. Цуьнан телефон зийна, цул тIаьхьа суьрташ даха буьйлабеллера. "ТIаккха дIахьедира соьга: "Нагахь санна, айхьа маж ца яшахь, оха тхаьш дIайошур ю". Уьш кхето гIоьртира со... Читать дальше...

Ши шо хьалха Гуьржийчу дIавахначу Ростоврчу журналистан Резник Сергейн доьзалан хIусамех хьоьвсина бакъоларъяран органийн белхахой. 80 шо долчу ненера а, кхиазхо-кIантера а компьютер а, мобилан телефонаш схьаяьхна. Адвокат цхьаьна а воцуш хеттарш дина хилла цаьрга. Свобода Радион корреспонденто бина и хаам. Доьзалехь талламаш бечу заманчохь гIоьртина хилла, Резника дийцарехь, цуьнца дина йозанаш карон. Iаткъамбар дузу цо ша бечу балхаца. Оьрсийчоьнан къилбехь а, иштта полицехь а, ФСБ-хь а йолчу... Читать дальше...