Кадыровс "Мерседес" совгIат йина ММА-н латархочунна Чимаевна
Швецерчу спортхочо Чимаев Хьамзата Нохчийчоьнан куьйгалхочун Кадыров Рамзанан карара схьаэцна "Мерседес" машенан догIанаш.
"Спортан «Ахмат» клубан декаъшхошца цхьаьна оха тIеэцна иза Соьлжа-ГIалахь", - билгалдаьккхина Кадыровс.
Цунна баркалла аьлла шен инстаграм-постехь Чимаевс а.
Хьалхо а хилла ММА-н спортхо Нохчийчохь. Суьрташ ду даьхна, социалан машанашкахула лелаш, царна тIехь ницкъхойн духар а доьхна, автомат карахь ву Чимаев. Оьрсийчоьнан низамаша доьхку "пачхьалкхан васташ тIехь долу тIеман, къепелатторан, тIехьажаран организацийн духар лело" оцу урхаллашкахь болхбеш боцучарна – административан гIуда ду тухуш, ткъа герз лелорна озаво бехктакхаме.
Кавказ.Реалии редакцин хаа аьтто ца баьлла муьлхачу хьелашкахь доьхна Чимаевс тIеман духар шена тIе, караэцна герз.
Хьалхо Bloody Elbow журналан корреспондента Зидан Карима в Twitter машанехь критика йира Чимаевна Нохчийчоьнан куьйгалхо Кадыров Рамзан волчу вахарна, Зидана диктатор лору Кадыров.
Чимаев Хьамзат схьаваьлла Нохчийчуьра. Масех шо ду иза Швецехь веха. Шен карьера йолалучу муьрехь буса болхбечу клубашна хадеш хилла иза, къахьегна Швецерчу цхьана фабрикехь а.