ჩრდილოეთ ოსეთის ხელისუფლება უარყოფს მოხალისეთა ბატალიონის კავშირს მელიტოპოლის ორგანიზებულ დანაშაულებრივ ჯგუფთან
10 თებერვალს ოკუპირებულ ზაპოროჟიეს რეგიონში სამართალდამცავი ორგანოების წარმომადგენელმა მელიტოპოლში ეთნიკური დანაშაულებრივი ჯგუფის აღმოჩენის შესახებ განაცხადეს. ოფიციალური ვერსიით, ეჭვმიტანილებმა უკრაინაში რუსეთის ჯარების შეჭრის შემდეგ დაიწყეს მოქმედება სეპარატისტული ლუგანსკისა და დონეცკის ოლქების ტერიტორიაზე.
"ჯგუფის წევრები სპეციალიზებულნი იყვნენ შენობებისა და ნაგებობების რეიდერულ დარბევაში, ძარცვაში, გამოძალვაში, მცირე და საშუალო ბიზნესის წარმომადგენლების, ძირითადად ფერმების მფლობელების გატაცებებში",-წერს სააგენტო „ტასსი“ სამართალდამცველი ორგანოების ანგარიშზე დაყრდნობით.
ცნობილია ხუთი დაკავებულის სახელები-ესენი არიან ალექსეი შეიჩუკი (ლეშა მოკრივე), ალექსეი ლოპატა, სურენ აღაჯანიანი და იური მრადიანი. ჯგუფის ხელმძღვანელად ითვლება პაველ ხარებოვი (ცნობილი როგორც ფაშა ოსი). ახლა მათ წინააღმდეგ სისხლის სამართლის საქმე იარაღის უკანონო ბრუნვის მუხლით აღიძრა.
სპეცსამსახურების თანამშრომელმა განაცხადა, რომ ჯგუფის წევრებს მჭიდრო კავშირი ჰქონდათ ჩრდილოეთ ოსეთიდან მობილიზებულებთან და „მოხალისეებთან. ეს ცნობა უარყო რესპუბლიკის მეთაურმა სერგეი მენიაილომ, რომლის თქმითაც, ეჭვმიტანილთა კავშირები ბატალიონების "ალანიას" და "შტურმ-ოსეთის" მებრძოლებთან და სარდლობასთან ჯერ არ გამოვლენილა. მისივე თქმით, დანაშაულებრივი ჯგუფის ხელმძღვანელის პაველ ხარებოვის ოჯახი მელიტოპოლში 1992 წლიდან ცხოვრობს.
საიტ „კავკაზ.რეალიის“ წყაროების თანახმად, ბატალიონის „ალანიის“ მეთაური იგორ გაბუევი დაკავშირებულია კრიმინალთან და ის ხელმძღვანელობს ორგანიზებულ დანაშაულებრივ ჯგუფს რესპუბლიკის ალაგირსკის რაიონში. სწორედ ამის ამ ჯგუფის მონაწილეებს "გაბუეველებს"უწოდებენ. ერთხელ მის წინააღმდეგ სისხლის სამართლის საქმე აღიძრა-იარაღის ფლობის გამო. გაბუევის მტკიცებით, მას ავტომატი იყო ჩაუდეს.
უკრაინის ოკუპირებულ ტერიტორიაზე, ნარკოტიკებით დააკავეს ვლადიკავკაზელი ყოფილი პოლიციელი ვადიმ ტეხოვი, რომელსაც ყოფილი მეუღლის მკვლელობისთვის გასულ წელს მკაცრი რეჟიმის კოლონიაში 16 წელი მიუსაჯეს.