კოტე მირიანაშვილი: როგორ ,,მოიპარა” ელენე ახვლედიანმა საკუთარი ნახატი გალერეიდან

“როგორ ,,მოიპარა” ელენე ახვლედიანმა საკუთარი ნახატი გალერეიდან.

•••••

ალბათ ლეგენდა და

ახლა უკვე იგავი.

••••

ელენე ახვლედიანის გამოფენაზე გალერეაში, ერთ-ერთ პარტიულ ლიდერს, მგონი სულაც მჟავანაძეს, ერთი სურათი მოეწონა, მაჩუქეთო, სთხოვა ახვლედიანს. ელიჩკამ მაშინვე ჩამოხსნა და აჩუქა. არა და ის ტილო კულტურის სამინისტროს უკვე ნაყიდი ქონდა მუზეუმისთვის. უკან ხომ ვეღარ გამოართმევდნენ პარტიულ ბოსს!?

ეხლა გადავცეთ ანათემას ელიჩკა? ოღონდ რა მუხლით? წვრილმანი ხულიგნობა თუ ქურდობა? უფრო ქურდობაა პროკურორისთვის – ფაქტიურად მოპარა მუზეუმს თავისივე ნახატი და აჩუქა პარტიულ ბოსს.

საყოველთაოდ ცნობილია ელენე ახვლედიანის ხელგაშლილობა, უშურველობა. ასე რომ წუწურაქობაში ვერ ჩამოვართმევთ – უკვე ანაზღაურებული ნამუშევარი აჩუქა, საკუთარი დაენანაო.

ეს ალბათ ერთგვარი პროტესტიც კი იყო, იმიტომ რომ ხელოვნება (და ხელოვანი) ცოცხალი უნდა იყოს და თავისუფალი, როგორც იმავე გალერეაში დაწერა თანამედროვე მხატვარმა.

ნუ გახდებით ხელოვნების და ხელოვანთა პროკურორ-მოსამართლეებად!

ისტორიაში კი შეხვალთ, მაგრამ არც თუ კარგი სახელით,”  – წერს სოციალურ ქსელში რეჟისორი კოტე მირიანაშვილი.