როგორ მოვიპოვოთ სიმშვიდე შფოთვის დროს

საკუთარი გონების კონტროლი, სულიერი სიმშვიდის და ბალანსის მოპოვება ყველაზე რთული და ამავდროულად საჭირო მიღწევაა ადამიანის ცხოვრებაში. შფოთვამ ნებისმიერ ასაკში შეიძლება იჩინოს თავი, რაც, თავის მხრივ, დეპრესიას, სტრესს და სხვა მენტალურ პრობლემებს იწვევს.

შფოთვის დროს სიმშვიდის შენარჩუნების ერთ-ერთი ყველაზე კარგი საშუალება საკუთარი ფიქრებისგან გათავისუფლებაა. ეს კი მხოლოდ რეალურ სამყაროში დარჩენითაა შესაძლებელი. შფოთვისა და პანიკური შეტევის დროს ადამიანს ეჩვენება ისეთი სიმპტომები, რომელიც მას სინამდვილეში არ აწუხებს. ეს პანიკის უეცარი ტალღაა. იმისათვის, რომ მას მოერიოთ, საჭიროა, კონცენტრირება მოახდინოთ თქვენ ირგვლივ არსებულ რეალურ საგნებზე. რაც არ უნდა იყოს, ტელევიზორი, მაცივარი, ნათურა, დააკვირდით დეტალებს, წარწერებს, ობიექტებს. ეს დაგეხმარებათ თვითგამორკვევაში და ბურუსისგან თავის დაღწევაში. ღრმად ისუნთქეთ და გაახსენეთ საკუთარ თავს, რომ ცოცხალი ხართ.

მაგალითად თუ ამ დროს კომპიუტერთან ზიხართ და მუშაობთ, დააკვირდით თქვენი სხეულისა და მაგიდის სტრუქტურას. შეხებები და შეგრძნებები, რომლებიც რეალურ სამყაროსთან გაკავშირებთ საწინააღმდეგოა იმის, რაც თქვენს გონებაში ხდება. ამიტომ, რაც შეიძლება ნაკლები დრო გაატარეთ თქვენს ფანტაზიებში.

საკვების მიღებისას მოერიდეთ ტელეფონის გამოყენებას, ტელევიზორის ყურებას. დააკვირდით საკვების არომატს, სურნელს, გემოს, და აღიქვით ეს ყველაფერი დეტალურად.

ისეთი აქტივოვებით დაკავდით, რაც დიდ ყურადღებას და ფოკუსირებას მოითხოვს. აუცილებელია გონების გაწრთვნა ისე, რომ კონცენტრირება შეეძლოს რთულ და სტრესულ სიტუაციებში. გონება ყველაფერია, თუ გადაწყვეტთ, რომ კარგად იყოთ, ასეც იქნება.

წყარო/ფოტო: Health Line