მაკრონი: როგორ დავიჯეროთ, რომ კავკასიის გამოწვევებს გადაჭრის ნეოკოლონიური რუსეთი?
მიუნხენის უსაფრთხოების კონფერენციაზე საფრანგეთის პრეზიდენტი ემანუელ მაკრონი სომხეთს მხარდაჭერის გაგრძელებას დაჰპირდა.
„როგორ დავიჯეროთ, რომ კავკასიის გამოწვევები შეიძლება გადალახოს ნეოკოლონიურმა რუსეთმა, რომელზეც ახლახან ვისაუბრე?“, - თქვა მაკრონმა, რომელმაც ძირითადად რუსეთ-უკრაინის ომზე ილაპარაკა.
მაკრონის სიტყვებით, საფრანგეთი „გააგრძელებს სომხეთის გვერდით დგომას და მოქმედებას“.
იმავე დღეს მიუნხენში გაიმართა სომხეთის პრემიერ-მინისტრისა და საფრანგეთის პრეზიდენტის შეხვედრა. გავრცელებული ინფორმაციით, ნიკოლ ფაშინიანმა და ემანუელ მაკრონმა რეგიონის უსაფრთხოებასა და სტაბილურობასთან დაკავშირებული საკითხები განიხილეს, იუწყება რადიო თავისუფლების სომხური სამსახური.