კამერონ დიასი ახალი ფილმის გადაღებებზე გამოჩნდა
კამერონ დიასი Netlix-ის ახალ ფილმში, Back In Action, იღებს მონაწილეობას. გადაღებები ლონდონში მიმდინარეობს. ეს ფაქტი იმით არის განსაკუთრებული, რომ მსახიობმა კარიერული პაუზის შემდეგ პროფესიულ საქმიანობაში დაბრუნება გადაწყვიტა. ფოტო, რომელიც ინტერნეტში გავრცელდა. მდინარე ტემზაზეა გადაღებული და კამერონი ჩქაროსნულ ნავზე იმყოფება.
დიასი ბოლოს დიდ ეკრანზე 2014 წელს გამოჩნდა. მან ორი წლის წინ ღიად ისაუბრა უკან დაბრუნების შესაძლებლობაზე. მსახიობი 2015 წელს დაქორწინდა, ხოლო 2020 წლის იანვარში ქალიშვილი შეეძინა, რომელიც ახლა სამი წლისაა. 2022 წელს, როდესაც მისი ახალი ფილმი დაანონსდა, ოჯახთან დაახლოებულმა წყარომ People-თან განაცხადა, რომ ვარსკვლავის კარიერულ დაბრუნებაში მისმა მეუღლემ დიდი როლი ითამაშა და სწორედ მან მისცა მოტივაცია, რათა ფილმებში თამაში გაეგრძელებინა.
წყარო/ფოტო: People