Новости за 15.07.2019

Кошмо Штаттардын президенти Дональд Трамп «Твиттерине» Конгресстеги демократ аялдар тууралуу жазган билдирүүсүнөн кийин кескин сынга кабылды. Демократтар аны расизм үчүн айыптап жатышат. Ал Конгресстеги аялдардын тобуна ата-бабаларынын жерине барууну сунуш кылган.  «Өздөрү өкмөтү толук бечел, жемкорлукка баткан, колдорунан эч нерсе келбеген мамлекеттерден чыккан Конгресстеги «прогрессивдүү» демократ аялдар Кошмо Штаттардын элине, дүйнөдөгү эң улуу жана кубаттуу өлкөнүн бийлиги кантип иштеши керек экенин айтып жатышканына көз салуу кызык»... Читать дальше...

Брюсселде ЕБтин тышкы иштер министрлеринин жыйыны өтөт.

Европа Биримдигинин тышкы иштер министрлери Иран менен АКШнын ортосундагы чыңалууну басаңдатуунун жолдорун издөөнүн жана Иранды АКШ былтыр чыгып кеткен өзөктүк келишимде калууга көндүрүүнүн жолдорун издеп жатышат. 15-июлда Брюсселге чогулган тышкы иштер министрлери АКШнын санкцияларын айланып өтүү аркылуу Европа Биримдиги менен Ирандын ортосундагы бартер жолу менен соода жүргүзүүгө кошумча колдоо көрсөтүү тууралуу да сүйлөштү. Жолугушууда Британиянын тышкы иштер министри Жереми Хант Иран менен... Читать дальше...

Өзгөчө кырдаалдар министрлигинин басма сөз кызматы Ак-Буура дарыясына  түшүп кеткен машинедеги адамдарды издөө иштери уланып жатканын кабарлады. Мекеменин маалыматы боюнча 14-июль күнү саат 17:30 чамасында Ош облусунун Ноокат районунда Ош-Папан-Кожокелен автоунаа жолунун 60-чакырымында Ак-Буура суусуна ВАЗ-21 099 үлгүсүндөгү машине түшүп кеткендиги тууралуу маалымат түшкөн. Машинеде үч эркек, бир аял киши болгон. 14-июль күнү кечинде 56 жаштагы эркек кишинин өлүгү табылган. Бүгүн издөө иштерин... Читать дальше...

Башкырстанда автобус жол кырсыгына кабылып, алты адам мүрт кетти, дагы 20дай адам ар кандай деңгээлде жаракат алган. 39 жүргүнчү түшкөн автобус Татарстандын Набережные Челны шаарына бара жаткан. Орусиянын мамлекеттик телеканалы көрсөткөн видеолордо автобус аңтарылып жатканын көрүүгө болот. Жол кырсыгынын себеби так белгисиз. Учурда иликтөө иштери жүрүп жатат. ТАСС агенттиги автобустун айдоочусу буга чейин да ылдамдыкты чектен ашырганы үчүн бир канча жолу жазаланганын жазды.

Өзбекстандын Ригадагы элчилиги «Азаттыктын» өзбек кызматына Финляндия билими тууралуу жасалма документтерди көрсөткөн өзбекстандык 140 жаранды өлкөдөн чыгарганын ырастады. Өткөн бейшемби күнү Финляндиянын «Yle» телеканалы Миграция кызматы 140 өзбекстандыкты өлкөдөн чыгаруу жөнүндө чечим чыгарганын кабарлаган. Аларды мекеме «жумушка алуу учурунда «курулуш техникумун бүтүргөн» деген жалган документтерди тапшырган» деп күнөөлөгөн. Маалыматтарда өзбек жарандары жумушка документтерди толтурганда 1993-жылы... Читать дальше...

Казакстандын президенти Касым-Жомарт Токаев Арыстагы аскердик кампадагы жарылууга байланыштуу коргоо министри Нурлан Ермекбаевге катуу сөгүш жарыялады. 15-июлда биринчи жолу өкмөттүн кеңейтилген отурумун өткөргөн президент Токаев Арыстагы жарылуунун себебин «системалык кемчиликтен жана аскердик мекемедеги көзөмөлдүн жетишсиздигинен» көрө турганын айтты.  - Мен Коргоо министрлигиндеги абалга канааттанбай турганымды билдирем. Ошондуктан сизге катуу сөгүш жарыялайм, - деди Касым-Жомарт Токаев. Ермекбаев... Читать дальше...

Мурдагы башкы прокурор Аида Салянованын тарапташтары анын бөгөт чарасын өзгөртүүгө чакырган жана ишти президент Сооронбай Жээнбеков өз көзөмөлүнө алышын өтүнгөн кайрылууга топтолгон колду бүгүн, 15-июлда президенттин коомдук кабылдамасына тапшырышты. Алар бул кайрылууга жети миңдей киши кол койгонун билдиришти. Анда кримтөбөл Азиз Батукаевдин түрмөдөн мыйзамсыз бошотулушу боюнча Аида Салянованы негизги күнөөкөр кылуу аракети жүрүп жатканы айтылат. Мурдагы башкы прокурор, Жогорку Кеңештин мурдагы... Читать дальше...

Ишемби күнү Москванын Шереметьево аба майданында «Новый поток» компаниясынын негиздөөчүсү, Тюмендеги Антипинск мунай заводунун мурдагы ээси Дмитрий Мазуров кармалды. Бул тууралуу компаниянын 14-июлда тараткан маалыматында айтылат. «Коммерсант» басылмасынын жазганына караганда, Мазуров Сбербанктын, Промсвязьбанктын жана Абсолют-банктын жалпы суммасы 3 миллиард болгон насыя каражаттарын уурдаган деп шек саналууда.  Тергөө комитети ишкерди чет өлкөдөн кызматтык сапарынан келгенде кармаган. «Forbes» басылмасынын жазганы боюнча... Читать дальше...

Кыргызстанда 16-июлда жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 16…21, күндүз 32…37; Таласта түнкүсүн 13…18, күндүз 30…35; Баткенде, Ошто, Жалал-Абадда түнкүсүн 19…24, күндүз 33…38; Ысык-Көлдө түнкүсүн 13…18, күндүз 24…29; Нарында түнкүсүн 8…13, күндүз 25…30; Бийик тоолуу райондордо түнкүсүн 0…5, күндүз 9…14 градус болот. Бишкекте жаан-чачын жаабайт. Абанын түнкү төмөнкү температурасы 19…21°, күндүзгү жогорку температурасы 35…37° болот.

2016-жылы сел алып кеткен көпүрөнүн ордуна Зардалы жана Кара-Бак айылынын тургундары ашар жолу менен көпүрө курушту. Көпүрөнүн ачылышы 13-июлда болду. Баткен районунун акиминин орун басары Таалайбек Ибрагимовдун «Азаттыкка» билдиргени боюнча, көпүрөнүн курулушуна баш-аягы 3 млн. сомдук каражат сарпталган. - Көпүрө бузулгандан кийин биз көпүрөнү калыбына келтирүү боюнча Өзгөчө кырдаалдар министрлигине кайрылганбыз. Алар бизге көпүрөнүн курулушуна керектелүүчү материалдарды алып беришти. Жалпысынан 1,5 млн. Читать дальше...

Американын The National Interest басылмасы жекшемби күнү жарыялаган репортажында “Иран Американын санкцияларына каршы күрөшө алат жана ички жана тышкы саясатын ийгиликтүү жүргүзүп жатат”, - деп баса белгилеген.

Солтон-Сары алтын кенин иштетип жаткан кытайлык компаниянын ишине нааразы болгон 70тей киши бүгүн, 15-июлда Нарын облустук администрациясынын имаратына чогулушту. Алар Нарын районунун Эмгекчил, Миң-Булак, Он-Арча айылынын 100дөн ашуун тургуну кол койгон кайрылууну президентке жиберерин билдиришти. Чогулгандар «кен иштеткен компания агын сууну булгап атат, жайыттагы мал жапырт кырылууда» деп, «кытайлык компания ишин токтотсун» деген талап коюшту. Нааразы тургундарга облустук бийлик өкүлдөрү жолугуп... Читать дальше...

Өзгөчө кырдаалдар министрлигинин басма сөз кызматы Ысык-Көл районунун Кара-Ой айылынын аймагында көлгө скутер айдап кеткен бойдон дайынсыз болуп жаткан Казакстандын жараны 53 жашта экенин билдирди.  Бүгүн, 15-июлда издөө иштерине Ысык-Көл районунан жалпы 66 куткаруучу, жергиликтүү тургундардан эки адам тартылып, моторлуу кайык менен издөө иштери жүргүзүлүүдө. Облустук милициянын маалыматына караганда, дайынсыз болуп жаткан Казакстандын жараны скутерди өзү эс алып жаткан эс алуу жайынан ижарага алган. Читать дальше...

Ирандын президенти Хасан Роухани 14-июлда телеканалдагы сөзүндө АКШ президенти Дональд Трамптын администрациясы «санкцияларын жана опузасын» токтотсо, Тегеран сүйлөшүүгө даяр экенин айтты. Ал эми АКШнын мамлекеттик катчысы Майк Помпео «Вашингтон пост» гезитиндеги маегинде Роуханинин сунушун четке кагып, «бул Жон Керриге жана Барак Обамага айтылган сунуштун эле өзү» деп билдирди. 2015-жылы Иран менен дүйнөнүн алты державасы - АКШ, Британия, Франция, Орусия, Кытай жана Германия кол койгон келишимге ылайык... Читать дальше...

Түркияда 250дөн ашуун кишинин өмүрүн алган аскердик төңкөрүш аракетинин эки жылдыгын эскерген иш-чаралар өтүп жатат. 15-июль өлкөдө расмий дем алыш күнү катары эсептелип, бул күнү Түркиянын ар тарабында эскерүү иш-чаралары өтөт. Президент Режеп Тайып Эрдоган үч жыл мурун төңкөрүш аракетинин эң маанилүү жери болгон «Ататүрк» аэропортунда жергиликтүүлөр менен жолугушат. Режеп Тайып Эрдогандын өкмөтү Кошмо Штаттарда акыркы 20 жылга жакын убакыттан бери өз эрки менен бозгунда жашап келе жаткан Фетхуллах... Читать дальше...

Түркиянын президенти Режеп Тайип Эрдоган С-400 ракеталык системасынын Орусиядан Түркияга жеткирилүүсү 2020-жылга чейин уланарын билдирди.

Ирандын тышкы иштер министри Мухаммад Жавад Зарифке санкция киргизүүнү убадалган АКШ бийлиги ага виза берүүгө макул болду.

Американын мурдагы коргоо министри Дональд Трамптын Иран жашыруун уран байытып жатат деген сөзүн четке какты.

БУУнун адистери Жапан өлкөсү Түндүк Кореяга болгон санкцияларды бир нече ирет бузганын жарыялашты.

Ката менен чыккан аттестаттардан мамлекеттин бюджети эч кандай зыян тарткан жок. Бул тууралуу «Учкун» басмаканасынын жетекчиси Даир Кенекеев билдирди. - Ката жазылган 24 аттестаттын баасын техникалык ката кетиргени үчүн бөлүм башчы 690 сомду өз чөнтөгүнөн төлөп берди. Мамлекет эч кандай зыян тарткан жок. Ал эми «н» тамгасы боюнча бүгүнкү күндө бир да ата-эне, мугалимдер «н» тамгасынан ката кетти деп бизге кайрыла элек. Эгер кайрылуу түшсө биз алмаштырып беребиз, - деди Кенекеев. Анын маалыматына караганда... Читать дальше...

Бул тууралуу премьер-министр Мухаммедкалый Абылгазиев аталган автожолдун курулушунун жүрүшү менен таанышуу учурунда айтканын өкмөттүн басма сөз кызматы кабарлады. Транспорт жана жолдор министри Жанат Бейшеновдун маалыматына караганда, айланма жолдун курулушуна 500 млн. сом керектелет, бирок бул каражат Балыкчы – Чолпон-Ата – Корумду автожолун реконструкциялоо долбоорунда каралган эмес. Бейшенов аталган жолду реконструкциялоонун баасы баштапкы пландагы 6 млрд. 803 млн. сомдон 8 млрд. 785 млн. сомго чейин көбөйгөнүн айтты. Читать дальше...

Бишкек шаарынын Ленин районундагы Чоң-Арык айылында тоого эс алганы чыккан төрт кишинин экөө тоодон кулап кеткен. Өзгөчө кырдаалдар министрлигинин басма сөз кызматы кырсык боюнча маалымат 15-июль күнү түнкү саат 02:00 чамаларда түшкөнүн билдирди. Жерине жалпы 10 куткаруучу тартылып, жабыркаган жарандарды тоодон алып түшүп, «Тез жардам» кызматына өткөрүп беришкен. Жабыркагандардын бири, 2001-жылы туулган жигит ооруканада каза болгон. (BTo)

Британия Иранга Гибралтардагы танкерге байланышкан кризистен чыгуунун жолун сунуш кылды.

Коргоо кеңешинин мурдагы катчысы, УКМКнын мурдагы төрагасы азыр кайда экени белгисиз.