Новости за 29.08.2023

Ирандын бийлиги нааразылык акцияларын колдогон 10 профессорду жумуштан алды. Социалдык тармактардагы маалыматка караганда, Тегерандагы Малламех университетинин окутуучулары Хамиде Кадеми жана Аменех Аалиге телефондон чалып, алар ээлеген кызматтарынан бошотулганын айтышкан. Ирандагы Студенттердин гильдиясы Тегеран университетини Адабият факкультетинде жети профессор иштеринен кетирлигенин кабарлады. Жогорку окуу жайлар жана студенттер Ирандагы саясий жана социалдык эркиндиктер үчүн күрөштүн алдыңкы катарында турат. Читать дальше...

1-сентябрдан тартып Кыргызстандын жарандары Өзбекстандын чек арасынан ID карта менен да өтө алышат. Бул тууралуу Улуттук коопсуздук боюнча мамлекеттик комитеттин (УКМК) алдындагы Чек ара кызматы кабарлады. Маалыматка караганда,жарандардын өз ара каттамы жөнүндөгү 2006-жылдын октябрында кол коюлган өкмөт аралык макулдашууга тиешелүү өзгөрүүлөр жана толуктоолор киргизилди. Жарандар чек арадан өткөндө жалпы жарандык паспортту деле колдонсо болот. Ушундай эле эреже Өзбекстандын жарандарына дагы иштейт. Читать дальше...

Кыргызгидромет борбору билдиргендей, 30-августта түнкүсүн жаан-чачын күтүлбөйт. Күндүз Талас облусунун айрым жерлеринде, Жалал-Абад облусунун тоо этектеринде жана тоолуу райондорунда жаан жаап, күн күркүрөшү мүмкүн. Жалал-Абад облусунун өрөөндөрүндө жана Чүй, Ош, Баткен, Ысык-Көл, Нарын облустарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 11…16, күндүз 27…32, Талас жергесинде түнкүсүн 6…11, күндүз 25…30... Читать дальше...

Кыргызстандын бийлиги коррупцияга каршы журналисттик иликтөөлөрдү жасаган Kloop Media басылмасын жоюу боюнча арызын кайтарып алышы керек. Бул тууралуу эл аралык Журналисттерди коргоо комитетинин (CPJ) 28-августтагы билдирүүсүндө айтылат. "Кыргыз бийлигинин "Клоопту" жабуу арызы – өлкөдөгү журналисттик иликтөөнү, ичинде жогорку бийлик өкүлдөрүнүн катышуусундагы коррупцияга байланыштуу иликтөөлөрдү муунтууга багытталган чектен чыккан жана өтө уятсыз аракет болуп саналат", - деген CPJ программалык директору Карлос Мартинес де ла Серна. Читать дальше...

Талас облусундагы 1976-жылы ишке берилген Киров суу сактагычында быйыл суунун көлөмү эң төмөнкү чекке түштү. 550 млн метр куб суу баткан суу сактагычка топтолгон суунун 80% коңшу Казакстан, 20% Кыргызстан колдонот.

Кыргызстанда мугалимдер үчүн миң орундуу пансионат салына турганын билим берүү жана илим министри Каныбек Иманалиев 29-августта билдирди. Анын мугалимдердин август конференциясында айтканына караганда, 25-августта бул боюнча президент Садыр Жапаров тапшырма берген. Министр 700 мугалимге арзандатылган баада ипотекалык насыя түрүндө үй курула турганын, долбоордун жер маселеси чечилгенин билдирди. Министр бул турак жай кайсы жакка салынарын жана шарттарын тактаган жок. Коомчулукта Кыргызстанда мамлекет... Читать дальше...

Кыргызстанда алдыдагы 5-7 жылда бала бакчага барган балдардын санын 90% жеткирүү каралууда. Бул тууралуу билим берүү жана илим министри Каныбек Иманалиев “Санарип билим жана жашыл көндүмдөр” деп аталган конференцияда билдирди. Министрдин маалыматына ылайык, 2012-жылы бала бакчага барган балдардын саны 12% гана түзсө, учурда 26% жетти.  “Өкмөттүн токтому менен эми балдарды бала бакчага камтууну Бишкек, Ош шаарларында бир жылда 10%, облус, район борборлорунда, шаарларда 10-12%, ал эми шарты катаал айыл жерлеринде 5-7% көбөйтүп отурсак... Читать дальше...

Быйыл августта Ооганстандагы бийлик “Талибан” кыймылына өткөнүнө эки жыл болду. Андан бери эл аралык коомчулук талиб өкмөтү ар кыл чектөөлөрү, адам укуктарын, аялдардын укуктарын одоно чектеп жатканы тууралуу коңгуроо кагып келет.

Кыргызстандын Чек ара кызматы кыргыз-казак чек арасындагы өткөрмө бекеттерде 29-августта кезек күтүү жок экенин билдирди. Учурда бекеттер штаттык режимде иштеп жатат. Кезек күтүүлөрдүн азайышы 28-августта байкалган. Бул күнү бир гана “Ак-Тилек” өткөрмө бекетинде тыгын болуп, 140 автоунаа кезек күтүп турган. “29-август саат 10:00гө алынган маалымат боюнча “Ак-Тилекте” да кезек күткөндөр жок”, - деп билдирди мекеменин басма сөз кызматы. Кыргызстандын Экономика жана коммерция министрлиги кыргыз-казак... Читать дальше...

Жаратылыш ресурстары, экология жана техникалык көзөмөл министрлиги Киров суу сактагычында абал дагы деле курч бойдон турганын билдирди. Мекеме Фейсбуктагы баракчасына былтыр суунун агып кирген көлөмү секундасына 13,7 куб метрге жеткен болсо учурда 0,7 куб метрден гана суу жатканын, Талас дарыясынын бассейнинде суу аздыгын маалымдады. Буга чейин Айыл чарба министрлиги Киров суу сактагычында 22-августка карата 14,5 млн. куб метр суу калганын, бул өткөн жылдын ушул мезгилине салыштырмалуу 92,1 млн. Читать дальше...

Укук коргоочу Азиза Абдирасулова 28-августта белгисиз эки адам анын үйүнө издеп барышканын айтып чыкты. Бул учурда Абдирасулова үйүндө болгон эмес. Укук коргоочу келген кишилер укук коргоо органдарынын кызматкерлери болушу мүмкүн экенин айтып, алардын жетекчилигине кайрылганын "Азатыкка" билдирди. Кайрылууда аларды мыйзамсыз аракеттерди токтотууга чакырган. “Абышкам менин үйдө жок экенимди айтканына карабай, үйгө бастырып киргенге аракет кылышып, бирок итибизден кире алышпаптыр. Бирок, абышкама өтө одоно мамиле кылышып... Читать дальше...

Транспорт жана коммуникациялар министрлиги түндүк-түштүк альтернативдүү жолундагы "Көк-Арт" тоннелин казуу толугу менен аяктап, учурда бекемдөө иштери жүрүп жатканын билдирди "Тоннель Тогуз-Торо жана Сузак райондорунун чегинде, жолдун 334-338-чакырымында Казарман- Жалал-Абад тилкесинде жайгашкан. Узундугу 3890 метр, туурасы 10 метр, ал эми  бийиктиги 8,5 метрди түзөт. Объект даяр болгондон кийин карама-каршы чыккан жүк ташуучу машиналар эркин өтө алат. Долбоордун баасы 136 миллион доллар, тоннелди... Читать дальше...

Улуттук банкта 31-июлга карата  баасы 2,5 миллиард доллардан ашкан 49,8 тонна алтын сакталып турат. Бул тууралуу аталган банктын башкармалыгынын жетекчиси Азат Козубеков 29-августта басма сөз жыйынында билдирди. Улуттук банктын төрагасы Кубанычбек Бөкөнтаев июлда жыл башынан бери сыртка 3,97 тонна алтын сатылганын маалымдаган. "Кабар" улуттук маалымат агенттигине курган маегинде алтын сатуу-алууга байланыштуу соңку жагдайды түшүндүрүп, алтынды сатып алуу тууралуу "Кумтөр" компаниясы менен аталган банктын келишими жоктугун айткан. Читать дальше...

Улуттук коопсуздук комитети (УКМК) өлкө жарандарына кайрылып, салттуу эмес, радикал диний агымдардан оолак болууга чакырды. Атайын кызмат коомдун радикалдашуусунун алдын алууга багытталган иш-чараларды жүргүзүп жатканын эскертти. Билдирүүдө сөз негизинен исламдагы "Салафия" агымы тууралуу сөз кылган. "Кыргызстандын айрым жарандары башка мамлекеттерден өлкө үчүн салттуу эмес диний агымдар тууралуу билим алып, мекенине келгенден кийин анын идеологиясын жайылта баштайт. Жыйынтыгында белгилүү ислам... Читать дальше...

Испаниянын футбол федерациясынын кызматынан убактылуу четтетилген башчысы Луис Рубиалестин апасы уулун коргоп ачкачылык жарыялады. Ал мындай акциясын баласына карата "адамгерчиликке жатпаган каралоо" жүрүп жатканы менен негиздеди. Ал арада өлкөнүн Улуттук сотунун прокуратурасы Испаниянын курама тобунун чабуулчусу Жениффер Эрмосону оозунан өпкөн Рубиалеске карата "сексуалдык зомбулук" фактысы менен териштирүү баштады. Прокурорлор Эрмосонун өзү менен байланышып, зомбулуктун курмандыгы катары 15 күндүн... Читать дальше...

АКШнын мурдагы президенти Дональд Трампка 2020-жылдагы шайлоонун жыйынтыгын жокко чыгарууга аракет кылган деген айып менен козголгон кылмыш ишин сотто териштирүү келерки жылы мартта башталат. Бул тууралуу федералдык судья Таня Чуткан билдирди жана бул чечимин "коомчулуктун бул маселенин чукул жана натыйжалуу чечилишине укугу бардыгы" менен негиздеди. Трамптын адвокаттары соттук териштирүүнү 2026-жылы апрелде, келерки шайлоо өткөндөн 1,5 жылдан кийин баштоо керектигин билдирип жатышкан. Өткөн аптада Трамп формалдуу түрдө камалып... Читать дальше...

Казакстандын Тышкы иштер министрлиги Орусиянын Алматы шаарындагы башкы консулу Евгений Бобров бул өлкөдө мындан ары иштебей турганын билдирди. Мекеменин өкүлү Айбек Смадияров анын дипломатиялык миссиясы аяктаганын, мындан улам кеткенин айтты. Ал Бобровдун иштен кеткени анын орус тили тууралуу соңку билдирүүсү менен байланышы бар-жогун тактаган жок. Мунун алдында Бобров ТАСС агенттигине курган маегинде Казакстанда соңку жылдары орус тилдүү мектептердин, класстардын саны кыскарып жатканын айткан. Читать дальше...

Президент Садыр Жапаров Ысык-Көлдөгү кароосуз калган мамлекетке же мамлекеттик мекемелерге таандык пансионаттар 49 жылга ижарага берилерин айтты. Ал 29-августта Фейсбуктагы баракчасы аркылуу кыргызстандыктарга кайрылып, инвестиция салууга, оңдоп-түзөп, мейманкана курууга чакырды. Кызыккандар Мамлекеттик мүлк агенттигине кайрылса болорун билдирди. "Ысык-Көлдүн айлана тегерегинде бүгүнкү күндө ушундай 15 пансионат бар. Булар илгертен бери кароосуз калган же жакшы каралбай келет. Ушул пансионаттарды 49 жылга ижарага беребиз. Читать дальше...