Пендаровски со поддршка до Дуда за мигрантската криза

Македонскиот претседател Стево Пендаровски кој денеска во Скопје го пречека неговиот полски колега Анджеј Дуда рече дека на својот гостин му изразил целосна солидарност и поддршка за надминување на ситуацијата со мигрантите кои се заглавени на границата меѓу Белорусија и Полска.

„Потврдив дека за нас, како држава, се целосно неприфатливи постапките на раководството на Белорусија со кои се оркестрира оваа хуманитарна криза. Продолжуваме да ја разгледуваме ситуацијата во рамките на НАТО и повикуваме на итно запирање на сите активности насочени кон натамошна дестабилизација на ситyацијата на границата на нашите сојузници Полска, Литванија и Латвија“, рече Пендаровски.

Илјадници мигранти, најголемиот ден од нив од Средниот Исток, од летото кампуваат недалеку од границата меѓу Белорусија и Полска, во тешки услови, со желба да влезат во Полска, односно на територија на ЕУ. Во текот на ноќта, како што јавија светските агенции тие се обиделе да ја преминат границата, но во помал број и помали групи. Претходно Белорусија расчисти дел кампови каде што луѓето се собраа на ниски температури, а стотици мигранти беа вратени назад во Ирак.

Намалени обидите на мигрантите да влезат од Белорусија во Полска

Варшава го обвинува режимот на белорускиот претседател Александар Лукашенко дека ги вооружува мигрантите кои се обидуваат да ја преминат границата со димни бомби и друго оружје. Минск пак ги отфла таквите обвинувања.

Полска ќе преземе чекори, ако Бугарија е неконструктивна во спорот со Македонија

Полскиот претседател Дуда денеска од Скопје оцени дека станува збор за хибриден напад од Белорусија. Тој му се заблагодари на Пендаровски за поддршката во како што рече справувањето со ова тешко прашање.

„Факт е дека во моментот се случува хибриден напад на границата на Полска која е и граница на НАТО, односно станува збор за Полска, Литванија и Латвија. Нападот е насочен кон полската граница која имаме должност да ја обезбедуваме и која е источна граница на ЕУ и НАТО. Секако дека ќе ја одбраниме територијата на ЕУ, НАТО и Полска од нелегалната миграција. Ситуацијата е многу тешка и тажна зашто мигрантите некој ги турка кон нашата граница. Се надеваме дека во наредниот период, со помош на ЕУ и НАТО, овој напад ќе биде запрен. Се надеваме дека овој напад ќе го запре и самата Белорусија“, рече Дуда