روسيې نن د مارچ ۲۲مه د اوکراین د انرژۍ پر زېربناوو درانه بريدونه وکړل. په دې بريدونو کې د اوکراین يو لوی د برښنا بند په نښه شو چې په ژاپوریژیا اټومي بټۍ برښنا پرې شوه. دغه راز د اوکراین په نورو سيمو کې د برښنا د پرې کېدو او د ودانيو د ويجاړېدو راپور ورکړل شوی دی.
روسیې د اوکراین د انرژۍ پر تنصیباتو د بريدونو په لړ کې د هغه هېواد د اوبو تر ټولو لوی بند (ډېم) په نښه کړی دی. اوکرايني چارواکي وایي د مارچ پر ۲۲مې بریدونو د زپورېژیا په اټومي بټۍ کې د برېښنا لوی تار پرې کړې چې له وجې یې د اوکراین په یوشمېر برخو کې د برېښنا لېږد ځنډول شوی دی. ولسمشر وولودیمیر زېلېنسکي ویلي په هغه بريد کې ۱۵۰ ډرون او توغندي کارول شوي دي. د اوکراین د برېښنا سرکاري شرکت ویلي دي چې په زپورېژیا کې د برېښنا توليدوونکي دنیپر بند دوه توغندي لګېدلي چې هغه يې له سخت خطر سره مخامخ کړی دی. ويډيو... Читать дальше...
سیمهییزو چارواکو راپور ورکړی چې د اوکراین په خملینسکي په غیرنظامي سیمې د هوايي برید له کبله یو تن وژل شوی او څو نور ټپیان شوي دي. د ازادي راډیو/ازادې اروپا خبریال په سیمه کې حضور درلود او له بریدونو وروسته یې تصویرونه اخیستي دي.
په خوست کې د متحده عربي اماراتو یو خیریه بنسټ هر ماښام شاوخوا ۱،۰۰۰ بې وزله کسانو او مزدورانو ته روژه ماتی برابروي. بې وزله کسان دا په روژه کې یو ښه کار بولي خو له خپلو کورنیو سره هم مرسته غواړي. د ملګرو ملتونو په وینا، په افغانستان کې څه باندې ۲۹ مېلیونه وګړی خوراکي او نورو مرستو ته اړتیا لري. ویډيويي رپورټ.
روسیې نن د اوکراین پر مرکزي او د دې هېواد په نورو استوګنو سیمو په پراخه کچه بریدونه وکړل. د اوکراین په خمیلیتسکي سیمه کې چارواکو ویلي، په دې بریدونو کې یو تن وژل شوی او څو نور ټپیان دي.
په افغانستان کې د مارچ پر ۲۰مه نوی تعلیمي کال پیل شوی دی خو تر شپږم ټولګي پورته د نجونو تعلیمي ادارې لا هم تړل شوې دي. د نجونو ترڅنګ هلکانو هم د طالبانو له حکومته غوښتنه کړې چې باید نجونو ته د تعلیم موقع ورکړل شي. د طالبانو حکومت د نوي تعلیمي کال د پیلېدو پر مهال څه نه دې ویلي خو وړاندې یې ویلي ول چې د نجونو تعلیمي ادارو خلاصولو په اړه پر یوې لایحې کار کوي. د فرانس پرېس اژانس له ویډیو جوړ راپور.
په تورخم کې د پاکستان د ګمرک (کسټم) چارواکو مشال راډيو ته ويلي دي چې د حکومت له خوا افغان ډرېورانو ته د سفري اسنادو بشپړولو لپاره ورکړل شوی مهلت د مارچ پر ۳۱مه پای ته رسېږي او د اپرېل له لومړۍ نېټې څخه به د پاسپورټ او ویزې نه لرونکو ډرېورانو ته د پاکستان او افغانستان ترمينځ د تګ راتګ اجازه ور نه کړي. بل خوا افغان ډرېوران وایی چې پر پاسپورټ او ویزې اخيستلو باندې ډيرې پیسې او زيات وخت لګېږي نو هغوی ته دې پر ځانګړو کارډونو یا راهداریو د تګ راتګ اجازه ورکړل شي. ويډيو رپورټ
په تایلینډ د مارچ پر ۱۳مه د فیلانو (هاتیانو) ملي ورځ لمانځل شوې ده. پر هغه ورځ په ایوتیا ښار کې یو ځانګړې غونډه وشوه چې ورته ځايي او نړیوالو رضاکارانو ټنونه مېوې او سبزۍ وروړې وې چې هغوی وخوړې. دا چې په هغو مراسمو کې نور څه کېږي، په اړه یې د رویټرز اژانس له ویډیو جوړ رپورټ وګورئ.
د طالبانو له واکمنېدو وروسته لسګونه زره کسان په تېره هغه مېرمنې چې فکر یې کاوه ژوند یې په خطر کې دی، له هېواده ووتلې. له دې ډلې یو شمېر فعالانې د یوه خیریه بنسټ په مرسته اسټرالیا ته کډه شوې. دوی هلته هم هغه ښځې چې په هېواد کې دننه د طالبانو له محدودیتونو سره مخامخ دي نه دي هیرې کړي.