ډونالډ ټرمپ په لومړي ځل پرمخ ماسک کارولی
ده په روغتون کې ټپي سرتېري او په کوویډـ۱۹ ناروغۍ د اخته کسانو د روغتیايي څارنې بهیر وکوت.
پر ولسمشر ټرمپ انتقاد کېده چې په سپینه ماڼۍ کې له چارواکو سره د کتنې او په عامو ځایونو کې د راڅرګندېدو پر وخت ماسک نه کاروي.
خو ولسمشر ټرمپ پرون په مریلنډ کې له پوځي روغتونه د روانېدو پر مهال وویل، ده هېڅکله د ماسک کارونې مخالفت نه دی کړی.
د امریکا د جانز هاپکینز پوهنتون د شمېرو له مخې د امریکا په متحدو ایالتونو کې په کرونا ویروس د اخته کسانو شمېر له ۳ میلیونو او ۲ لکو اوښتی دی.
په امریکا کې په کرونا ویروس یا کوویډـ۱۹ ناروغۍ د مړو شمېر هم له یولک او ۴۳۰۰۰ زیات شوی دی.