وزیرستانیو کډوالو ته د روان ۲۰۲۰ز کال د لومړيو دریو میاشتو مرستې ورکړل شوي خو له نېږدې شپږ میاشتو راهیسې ورسره مرستې نه دي شوي. د اګست پر ۲۴مه د خوست بېلا بېلو سیمو کې میشتو وزیرستانيو کډوالو له افغان حکومت، د کډوالو لپاره د ملګرو ملتونو عالي کمیشنری، نړیوال خوراک پروګرام او له نورو بنسټونو څخه له دوی سره د مرستو د بیا پیلېدو غوښتنه وکړه. یادې غوښتنې د خوست د بېلا بېلو سیمو یو شمېر وزیرستانیو، په دې ولایت کې له کډوالو چارو ریاست سره د خپلو ستونزو د شریکولو پر مهال وکړې. په دې اړه د نجیب الله الوخېل ویډیويي راپور وګورئ.
