اروپايي کمېسیون بلغاریا د اروپايي ټولنې محکمې ته راجع کوي

اروپايي کمېسیون وايي، بلغاریا له دې کبله د اروپايي ټولنې محکمې ته راجع کوي چې د چاپیریال ساتنې په برخه کې خپلې ژمنې یې له پامه غورځولي. 


د چاپېریال ساتنې په برخه کې د یوې لسیزې مخکې لارښود پر اساس هېوادونه د مهمو سیمو په ساتنه مکلف دي. 


اروپايي کمېسیون چې د دې ټولنې اړونده مستقله اداره ده، پرون د نوومبر په دولسمه په یوه بیان کې وویل، بلغاریا په ټاکلي وخت کې د ۲۲۹ مهمو ساحو له ډلې ۱۹۴ لا هم د ساتنې او مراقبت لپاره نه دي په نښه کړي.  


د طبیعي ساحو ساتنه او د ویجاړو اقتصادي سیسټمونو بیارغونه د اروپا د زرغونتیا د موافقې د لس کلن پلان له اهدافو څخه ده.