جوزيپ بوريل: پر مسکو نوي بنديزيونه به د روسيې د تېلو صادرات اغېزمن کړي
دا بندیزونه به په زیاته پیمانه اروپايي ټولنې ته د روسیې د تېلو د صادراتو د کمېدو سبب شي.
بوریل نن سې شنبه د بلجیم په پلازمېنه بروکسل کې خبریالانو ته وویل، دوی د روسیې تر ټولو مهم پېرېدونکي دي او هدف یې دا دی چې ډاډه شي روسیه د خپل جنګي ماشین د فعال ساتلو لپاره لږې مالي سرچینې لري.
ښاغلي بوریل دا څرګندونې داسې وخت کړي، چې په بروکسل کې د اروپايي ټولنې د مشرانو غونډه نن د دویمې ورځې لپاره روانه ده، چې پر اوکراین د روسیې د یرغل په اړه په کې بحث کېږي.