ډاکتر حنیف رسول: د پښتنو کلتور بیاژوندي کول ټولنه کې زغم پیدا کولای شي
د نومبر ۱۶مه د ملګرو ملتونو له زغم نړیوالې ورځې سره سمون خوري. د ملګرو ملتون ساینس، تعلیم او کلتور اداره (یونېسکو) وايي، دا ورځ په ټولنو کې برداشت یا زغم ته د ودې ورکولو په موخه د اګهۍ خپرولو لپاره لمانځي. اداره وايي، غواړي دا پوهاوی عام شي چې نړۍ له بېلابېلو فرهنګونو جوړه ده. دا ورځ په داسې حال کې لمانځل کېږي چې د پښتنو ټولنه د تشدد او ناکرارۍ ښکار ده. پر دې موضوع مو د کرک په خوشال خان خټک کې د انګرېزۍ څانګې له استاد ډاکتر سید حنیف رسول سره خبرې کړې دي او ورڅخه مو پوښتلي چې په ټولنه کې د زغم د ودې لاره څه ده؟ د دې او نورو پوښتنو ځواب لپاره بشپړه مرکه واورئ.
