عوامي نشنل ګوند وايي، د خپل مخکښ سیاستوال مولانا خانزېب د وژنې مقدمه د دولت پر وړاندې کوي. په باجوړ کې د دی ګوند د منشي مرستیال سید صدیق اکبر د جولای پر ۱۱مه د مولانا خانزېب جنازې پر مهال مشال راډیو ته وویل چې دولت د خلکو د ساتنې مسوول دی نو ځکه په مقدمه کې له دولته پوښتنه کوي. د نوموړي جنازې ته د بېلابېلو ګوندونو سیاستوالانو ترڅنګ سلګونه ځايي خلک ورغلي ول. مولانا خانزېب او یو ساتونکی یې د جولای پر ۱۰مه په وسلوال برید کې ووژل شول. پر هغوی د حملې ذمه واري چا نه ده منلې خو پولیس وايي، پلټنې یې پیل کړې دي. تفصیل په ویډیويي رپورټ کې.
