په اروپا کې په دې شپو ورځو کې هوا ډېره توده شوې ده. د ایټالیا په ځینو برخو کې حکومت په هغو بازارونو کې چې په آزاده هوا کې فعالیت کوي د خلکو پر کار ممنوعیت لګولی دی.په فرانسه کې ښوونځي بند دي او په اسپانیا کې جون د دې هېواد په تاریخ کې د ترټولو تودې میاشتې په توګه ثبت شو.
په افغانستان کې د ملګرو ملتونو د ماشومانو وجهي صندوق (یونیسف) وايي له ایرانه د افغان کډوالو د ستنونې په بهیر ۵ زره ماشومان له کورنیو پرته په جبري ډول افغانستان ته ستانه کړل شوي دي. یو شمېر ماشومان چې له کورنیو پرته له ایرانه ایستل شوي وايي ایراني پولیسو ورسره ناوړه چلند کړی دی.
پولیس وايي په مستونګ کې د نامعلومو وسلوالو په ډزو یو کس وژل شوی او اووه نور ژوبل شوي دي. د مستونګ د پولیسو یو افسر یونس مګسي رسنیو ته ویلي چې دا پېښه د جولای په لومړۍ نېټه شوې ده. د نوموړي په وینا د نامعلومو وسلوالو په ډزو یو ۱۶ کان زلمی وژل شوی دی. د دې ترڅنګ د هغوی په ډزو سرکاري ودانیو ته هم زیان رسېدلی دی. د مګسي په وینا وروسته چې کله پولیسو ځوابي ډزې وکړې نو په ترڅ کې یې لږ تر لږه دوه وسلوال ووژل شول او درې نور ژوبل شول. نوموړی وايي د پلټنې عملیات دوام لري خو تراوسه څوک نیول شوي نه دي. کومې... Читать дальше...
پاکستان او هند په دې دواړو هېوادونو کې د بندي پاکستانيو او هنديو بندیانو نوملړ د ډېپلوماټېکو چېنلونو له لارې له يو بل سره شريک کړ.د پاکستان د بهرنيو چارو وزارت د جولای په لومړۍ نېټه په خپره کړې يوه خبرپاڼه کې وويل، د بندیانو د نومونو دا تبادله د هند او پاکستان ترمنځ په ۲۰۰۸ز کال کې د تفاهمنامې پر اساس شوې ده. د تفاهمنامې له مخې، دواړه هېوادونه مکلف دي چې هر کال د جنورۍ پر لومړۍ او بيا د جولای پر لومړۍ نېټه د بنديانو نوملړ يو له بل سره شريک کړي. پاکستان هند ته د ۲۴۶ بنديانو نوملړ سپارلی چې له هغو څخه ۵۳ يې ولسي وګړي او ۱۹۳ کب نيوونکي دي. Читать дальше...
په ۲۰مه پېړۍ کې د پښتو ادب د سر په څيړنکارانو کې له يو څو نورو سره د همېش خليل نوم هم ياديږي. هغه په لسګونو څېړنيز اثار د پښتو لوستونکو ته ډالۍ کړي دي. همېش خليل ګڼ اړخيز شخصيت وو، هغه يوازې څېړنکار نه وو بلکې ترڅنګ یې يو ښه شاعر، کيسه ليکونکی، ژورنالیست، ژباړن، کره کتونکی، تاريخپوه او سياسي کارکن هم وو. نوموړي ترڅو کلونو پورې د پښتنو په قامي سياسي مبارزه کې د زندان سختۍ هم ګاللې دي. د شاعرۍ يې څلور ټولګې او د لنډو کيسو يې يوه مجموعه چاپ ده.
پاکستان او هند په دې دواړو هېوادونو کې د بندي پاکستانيو او هنديو قيديانو نوملړ د ډېپلوماټېکو چېنلونو له لارې له يو بل سره شريک کړ.د پاکستان د بهرنيو چارو وزارت د جولای په لومړۍ نېټه په خپره کړې يوه خبرپاڼه کې وويل، د قيديانو د نومونو دا تبادله د هند او پاکستان ترمینځ د ۲۰۰۸ز کال د یوې لوظنامې پر اساس شوې ده. د لوظنامې له مخې، دواړه هېوادونه مکلف دي چې هر کال د جنورۍ پر لومړۍ او بيا د جولای پر لومړۍ نېټه د بنديانو نوملړ يو له بل سره شريک کړي. پاکستان هند ته د ۲۴۶ قيديانو نوملړ سپارلی چې له هغو څخه ۵۳ يې ولسي وګړي او ۱۹۳ کب نيوونکي دي. Читать дальше...
د ملګرو ملتونو د مهاجرت نړیوال سازمان (IOM) وايي ایران په پراخه کچه له خپلې خاورې د افغان کډوالو د ویستلو لړۍ پیل کړې ده او یوازې په جون میاشت کې یې تر ۲۳۰ زره ډېر افغانان بیرته افغانستان ته لېږلي دي.یادې ادارې د جون پر ۳۰مه په یو بیان کې وویل، ایران له ستنېدونکو کډوالو ډېری برخه په زور له خپلې خاورې ویستي دي. د راپورونو له مخې، په وروستیو اوونیو کې له ایرانه د افغانانو د ایستلو بهیر خورا چټک شوی، ځکه چې ایران ټولو بې اسناده افغان کډوالو ته د جولای تر شپږمې نیټې د وتلو ضربالاجل ټاکلی دی. خو د مهاجرت... Читать дальше...
د جون پر ۲۷مه په سوات سیند کې د سیلابي اوبو د زیاتوالي له وجې لږ تر لږه د ۱۴ کسانو له وژل کېدو وروسته انتظامیې د سیند پر غاړه جوړې شوې ودانۍ ړنګول پیل کړې دي. دوی وايي دا ودانۍ په ناقانونه توګه جوړې شوې او د سیند د اوبو د بهېدو لاره کې یې خنډونه جوړ کړي دي. بل پلو، د سیند پر غاړه د تفریحي ځایونو مالکان وايي، دوی دا ودانۍ د حکومت په اجازه جوړې کړې وې. د دوی په وینا حکومت د سېلابونو پر مهال د خلکو د ژوند د نه ژغورلو له ملامتیا د خلکو د پام اړولو په موخه دا ډول ګامونه اخلي. له سواته د مشال راډیو خبریال راپور لري... Читать дальше...
یو شمېر افغان سوداګر وایي د امریکا او نړیوالې ټولنې لخوا د افغانستان پر بانکي سیستم لګول شویو تعزیراتو د دوی د سوداګرۍ پر وړاندې خنډونه لاپسې زیات کړي. دوی اندېښنه وښوده چې اوس په محدوده توګه یوازې د منځنۍ اسیا هېوادونو سره راکړه ورکړه لري، خو دواړو خواوو ته پیسې د صرافۍ او حوالو له لارې انتقالوي.
ډاکټر امير خسرو په سوات کې زيږدلی دی، په ساينس کې يې لوړې زدکړې کړې دي او په برتانیا کې اوسيږي. څه موده وړاندې د مازغو سرطان په ناروغۍ اخته شو. د ناروغۍ په حالت کې يې خپلې خاطرې وليکلې چې په کتابي بڼه "Whispers Through The Fog" په نوم چاپ شوې. لوستونکي وايي چې دا کتاب يې د ناول يا لنډې کيسې غوندې خوندور دی.
د افغانستان لپاره د ملګرو ملتونو مرستندوی ماموریت (یوناما) د دوشنبې په ورځ د قطر په دوحې کې د خصوصي سیکتور د ملاتړ او له مخدره موادو سره د مبارزې په اړه د کاري ډلو غونډه پیل کړه. دا دوه ورځنۍ تخنیکي غونډه د تیر کال د جولای د غونډې د تعقیبي اقداماتو او د ملګرو ملتونو امنیت شورا ته د وړاندې شويو سپارښتنو په رڼا کې ترسره کېږي. په غونډه کې د افغانستان واکمنو طالب چارواکو، غړو هېوادونو، نړیوالو سازمانونو او متخصصانو ګډون کړی او د دې برخو د پرمختګونو او راتلونکو لومړیتوبونو ارزونه کېږي.
د فرانسې یوې محکمې د دوشنبې په ورځ اووه افغانان او دوه عراقي کوردان د بیړۍ د چپه کېدو د هغې پېښې په تور په ۷ او ۸ کاله بند محکوم کړل چې له کبله یې څو تنه پناه غوښتونکي مړه شول. یاده کوچنۍ کښتۍ د ۲۰۲۲ کال د دسمبر د څوارلسمې نېټې په سهار له فرانسې څخه خوځېدلې وه، چې پکې د افغانستان، البانیا، هند او سینیګال وګړي سپاره ول. په دې پېښه کې، چې د بریتانیا له ساحله څو کیلومتره لیرې وشوه، څلور کسان مړه او څلور نور ورک شول. له بې درکه شویو څخه یوازې د یوه تن جسد وموندل شو چې یو افغان نارینه وو. ژغورونکو ۳۹ کسان له ډوبېدو وژغورل. Читать дальше...
د امریکا د بهرنیو چارو وزارت د "عدالت لپاره انعام" (Rewards for Justice – RFJ) په نوم د امریکايي سوداګر محمود شاه حبیبي، د ځای، ژغورنې او خوندي بېرته ستنېدو په اړه د معلوماتو لپاره تر ۵ میلیون ډالرو پورې انعام اعلان کړی دی. ښاغلی حبیبي د ۲۰۲۲ کال د اګست په ۱۰مه په افغانستان کې تښتول شوی و. محمود شاه حبیبي د کابل ښار په مربوطاتو کې له خپل موټر څخه له موټر چلوونکي سره یو ځای تښتول شوی او د طالبانو د استخباراتو عمومي ریاست له خوا نیول شوی دی. د تښتولو په مهال، نوموړي په کابل کې د یوې مخابراتي کمپنۍ د سلاکار په توګه کار کاوه. Читать дальше...
د ملګرو ملتونو د مهاجرت نړیوال سازمان (IOM) د دوشنبې په ورځ وویل چې یوازې د جون په میاشت کې له ایران څخه تر ۲۳۰ زره ډېر افغانان افغانستان ته ستانه شوي، چې زیاتره یې په زور له ایران څخه ایستل شوي دي. د راپورونو له مخې، په وروستیو اوونیو کې له ایرانه د افغانانو د ایستلو بهیر خورا چټک شوی، ځکه چې ایران ټولو بې اسناده افغان کډوالو ته د جولای تر شپږمې نیټې د وتلو ضربالاجل ټاکلی دی. خو د مهاجرت نړیوال سازمان وايي چې په جون کې د ایستل شویو افغانانو شمېر د ایران د حکومت د ضرب الاجل تر ټاکلې نېټې زیات دی. Читать дальше...
د جنوبي اروپا په پراخه سیمه کې سوځنده او شدیده ګرمي خپره شوې او د روغتیا او چاپېریال ادارو خلکو ته خبرداری ورکړی دی. دا خبرداری په داسې حال کې ورکړل شوی چې وړاندوینې ښيي هوا به په راتلونکو ورځو کې نوره هم توده شي او ګرمي به دوام وکړي. د فرانسې، ایټالیا، پرتګال او هسپانیا په ګډون یو شمېر هېوادونو خپل امکانات هم چمتو کړي دي. د دوشنبې په ورځ، د هسپانیا په ډېری سیمو کې د تودوخې درجه له ۴۲ سانتيګراده لوړه وه، او تمه ده چې د ګرمۍ دا څپه به لږ تر لږه تر پنجشنبې دوام ومومي. په ۲۰۲۲ کال کې هم هسپانیا... Читать дальше...
د کډوالو نړیوال سازمان (IOM) له ایرانه د بې اسنادو افغان کډوالو د بېرته ستنېدو په برخه کې د بې ساري زیاتوالي خبرداری ورکړی او ویليیې دي چې یوازې په جون میاشت کې له ۲۵۶ زرو ډیر افغانان بیرته افغانستان ته ستانه شوي دي.
څه کم یوه اوونۍ وروسته له هغه چې د اسراییل او ایران ترمنځ اوربند اعلان شو، اسراییلي رسنیو ادعا کړې چې د دغه هېواد پوځ او حکومت یو ځل بیا له ایران سره د بلې احتمالي جګړې لپاره چمتووالی پیل کړی دی. د پوځي صنعت فابریکې په چټکۍ سره د وسلو تولید زیاتوي او د راتلونکو کلونو لپاره د تولید پراخولو پلانونه روان دي. په ورته وخت کې، د ایران جګپوړو سیاسي مشرانو او پوځي قومندانانو ویلي چې پر اوربند باور نه لري. د اسراییل اقتصادي وېبپاڼې "کالکالیست" د جون په ۲۹ په یوه راپور کې ولیکل، د اسراییل دفاعي بنسټونو دا... Читать дальше...