Türkmenistanyň prezidentiniň ogly Serdar täze wezipä bellendi
Türkmen metbugatyna görä, Serdar Berdimuhamedow daşary işler ministriniň orunbasary wezipesinden boşadylyp, Ahal welaýatynyň häkiminiň orunbasary wezipesine bellendi.
Serdar Berdimuhamedow daşary işler ministriniň orunbasary wezipesine 2018-nji ýylyň mart aýynda parlamente saýlanmagynyň yzýany bellenipdi.
Geçen ýylyň dowamynda Serdar Berdimuhamedow Türkmenistanyň syýasy durmuşynda aktiw rol oýnady, şol sanda GDA guramasynyň daşary işler ministrleriniň aprelde geçirilen sammitine gatnaşdy.
Wezipe çalyşygynyň sebäpleri resmi maglumatda agzalmady.