'Biz bandadyrys' diýip aýdan gazak polisiýa ofiseri işden kowuldy
Gazagystanyň içeri işler ministrliginiň metbugat wekili Almas Sadubaýewiň 3-nji ýanwarda Facebook arkaly habar bermegine görä, A.R. Tastaibekow diýlip, tanadylan ofiser işden boşadylypdyr, onuň ýolbaşçysyna käýinç berlipdir.
31-nji dekabrda internetde peýda bolan wideoda polisiýa geýimli adam kanun goraýjy edaralaryň işgärlerini "banda" diýip atlandyrdy we täze ýyl bilen gutlap, olara "ýedinji arka çenli bolçulyk arzuw etdi" hem "biziň tanyşlyklarymyzdan agtyklarymyz hem peýdalansyn" diýdi.
Sadubaýewiň sözlerine görä, wideonyň awtory hasaplanýan Tastaibekow Karagandy şäheriniň polisiýa akademiýasynyň birinji kursunyň başlygynyň orunbasary.