Netanýahu: Ysraýyl Eýranyň Siriýadaky ýarag ammarlaryna zarba urdy
"Edil soňky 36 sagatda howa güýçleri Eýranyň Damaskdaky halkara uçar meýdanynda eýran ýaraglaryny saklaýan ammarlaryna hüjüm etdi” diýip, Netanýahu 13-nji ýanwardaky hökümet maslahatynda aýtdy.
SANA habar gullugynyň maglumatyna görä, Siriýanyň howa goragçylary “duşmançylykly” raketalaryň köpüsini urup ýykdy, emma olaryň biri Damask aeroportundaky ammara gelip urdy.
Netanýahu özüniň telewideniýede berlen sözünde Ysraýylyň Siriýadaky eýran we hizbulla nyşanlaryna “ýüzlerçe gezek” ok atyp, Eýranyň ol ýerdäki harby berkitmelerini gowşatmakda rowaçlyk gazanandygyny aýtdy.